د هېواد په سوېل ختيځو ولايتونو او په ځانګړې توګه د پکتيکا ولايت له وروستۍ زلزلې وروسته تر دې دمه د خوست او پکتيکا ولايتونو زلزله ځپلو ته د خوراکي توکو، جامو، خيمو، کمپونو او نورو اړتيا وړ توکو په ګډون څلور مرستندويه توکي رسېدلي دي. د هیواد په جنوب ختیځ کښې د زلزله ځپلو سیمو خلک هم د ایران د اسلامی جمهوریت د مرستو قدردانی کوی.

په پکتيکا کې د زلزلې د شېبې لومړۍ ويډيو د لومړي ځل لپاره خپاره شول. ویډیو د درملتون د یوې امنیتي کمرې لخوا ثبت شوې. د زلزلې له امله یوازې په پکتیکا ولایت کې، چې زیاتره یې په ګیان ولسوالۍ کې دي، ۱۵۰۰ تنه شهیدان شول او نږدې درې زره تنه نور ټپیان شول.

د موسی لکړي په نامه هکرانو صهیونیسټان يي روحي او رواني ناروغیو اخته کړې. دا ځل یې یوه ویډیو خپره کړې چې په کې د تېرو دوو اوونیو د بېلابېلو عملیاتو د لست په ترڅ کې د موسی د عملې په نوم یو راکټ هم افشا کوي. دغې هیکر ډلې صهیونیسټانو ته خبرداری ورکړی چې دا د لوبي لومړۍ ده او له تاسو سره زموږ کار دوام لري...

د کورنیو چارو وزارت ویاند عبدالنافع تکور رسنیو ته ویلي، چې ټول وسله وال بریدګر د کارته پروان په سیمه د هندوانو او سکانو په درمسال کي له څو ساعته جګړې وروسته وژل شوي دي. د هغه په وینا، د شنبې په ورځ (د غبرګولي ۲۸مه) په پېښه کې د اسلامي امارت یو سرتیری او یو هندو تبعه وژل شوی او اوه نور ټپیان شوي دي.

د جوزجان د پوهنې مسوولین وايي، د دغه ولایت د افغان – ترک ښوونځي زده کوونکي د تایلنډ په المپیاډ کې ۱۷ مډالونه ګټلي او لومړی مقام یې خپل کړی دی، چې په وینا یې دغه سیالۍ له ۴۳ هېوادونو څخه په انلاین ډول ترسره شوې، چې زرګونه زده کوونکو پکې ګډون کړی و.

د یوې امریکايي رسنۍ د راپور له مخې، د سپټمبر د یوولسمې د بریدونو د قربانیانو یو شمېر کورنیو په دې خبرې ټینګار سره چې د افغانستان د پیسو زیرمې زموږ حق نه دی، د بایډن له حکومت څخه وغوښتل چې د افغانستان د مرکزي بانک کنګل شوې شتمنۍ دې خوشې کړي.

په اندونیزیا کې د افغان کډوالو لاریونونه دوام لري. جاکارتا ته د استرالیا د نوي صدراعظم له سفر سره سم، پناه غوښتونکو یو ځل بیا د خپلې بدبختۍ په اعتراض کې لاریون وکړ.

د روسیې خبري اژانسونو خبر ورکړی چې په مسکو کې د اسلامي امارت د سفارت مشر به د سنټ پیترزبورګ په نړیوال اقتصادي غونډه کې د افغانستان استازیتوب وکړي. په همدې حال کې د روسیې د بهرنیو چارو وزارت دغه اقدام له اسلامي امارت سره د اړیکو د عادي کولو په لور یو ګام بللی دی.

د تخار ولایت سیمه ییزو چارواکو په دغه ولایت کې د کتاب د نړیوالې اونۍ په مناسبت د کتابونو نندارتون د پرانیستلو خبر ورکړ. په دغه نندارتون کې چې درې ورځې دوام کوي، څه باندې لس زره ټوکه کتابونه چې بېلابېل عنوانونه لري نندارې ته اېښودل شوي دي.

د اسيا جام د غوراوي سيالۍ دوه ورځې وروسته پيلېږي، چې افغان ملي لوبډله په خپله لومړۍ لوبه کې له هانګ کانګ سره مخامخ کېږي.

د ایټالیا د بهرنیو چارو وزیر د اوکرایین د محاصرې له امله د نړۍ د ډوډۍ د جګړې د پیل اعلان وکړ.

صهیونیسټی ورځپاڼی معاریو وایی دصهیونیسټ رژیم د امنیتی ادارو د اټکلونو له مخې په لبنان کښې حزب الله سل زره توغندی لری .

د افغانستان لپاره د امریکا ځانګړي استازي توماس ویسټ د ابوظبۍ په کمپ کې له یو شمېر افغان کډوالو سره وکتل.

نورستان کې د اسلامي امارت چارواکي وایي، د دې ولایت نورګرام ولسوالۍ په ځنګله کې د اور مخه نیول شوي.

مولوي کرامت الله اخندزاده؛ د پوهنې وزارت د اسلامي زده کړو معین د میدان وردګو ولایت د مرکزي ښوونځي ودانۍ د یو لړ مراسمو په ترڅ کې پرانیسته او په مراسمو کې یې وویل، چې دغه دیني مدرسه به خلکو ته د اسلامي زده کړو په برخه کې با کیفیته خدمات وړاندې کړي

د بامیان ولایت یو شمېر سیمه ییز خبریالان وايي، په تېرو نهو میاشتو کې په هېواد کې د تغیراتو وروسته په دغه ولایت کې یو شمېر سیمه ییزو رسنیو فعالیت بند کړی او یو شمېر خبریالانو خپلې دندې له لاسه ورکړي دي.