د صهیونیسټ رژيم ۱۲ چینل د مونیخ د امنیتي کنفرانس د تنظیموونکو په حواله ویلي دي چې د فلسطین د ملت په خلاف د روانې جګړې له امله یې د دغې غونډې له اصلي پړاو څخه د اسرائیلو د ایستلو پریکړه کړې ده.

د اسلامي امارت د بهرنیو چارو وزارت د مونیخ په امنیتي غونډه کې د پاکستان د بهرنیو چارو د وزیر د څرګندونو په غبرګون کې دغه هیواد ته سپارښتنه وکړه چې په نړیوالو کنفرانسونو کې د شکایت کولو پر ځای په دوه اړخیزو مسایلو مخامخ خبرې وکړي. د دغه وزارت په وینا د افغانستان د امنیتي وضعیت په اړه د پاکستان اندېښنې بې ځایه دي.