د بلخ د پولیسو ویاند وايي؛ هغه افسران او مامورین چې د پولیسو په لیکو کې دي، که له خپلو دندو ناوړه ګټه پورته کړي، قانوني چلند به ورسره وشي.

د بلخ سیمه ییز چارواکي وايي، د دغه ولایت چاربولک ولسوالۍ ته پر لاره د دوو موټرونو، یوه سراچه او سوزوکي د ټکر له امله دوه تنه وژل شوي او پنځه نور ټپیان شوي دي.

دبلخ ولايت امنيتي ځواکونو تيره شپه ددغه ولايت د نهرشاهي ولسوالۍ په انګر مهدي سيمه کې د داعش ډلې په پټنځايونو د بريد په ترڅ کې ددغې تروريستي ډلې شپږ تنه غړي وژلي .

د بلخ د امنيې قوماندانۍ وياند د سرشمېرنې د مبهم بهير او د امنيتي ځواکونو له خوا د هغوى د معلوماتو د اخيستلو په اړه د مزارشريف د ښاريانو د اندېښنې په څرګندولو سره وويل چې دغه پروسه د هېوادوالو د لا ښه امنيت د تامين په موخه ترسره کېږي.

د بلخ سیمه ییز چارواکي وايي، د دغه ولایت په چمتال ولسوالۍ کې د یوه کور د چت د لوېدو له امله ۴ تنه وژل شوي او ۱۸ نور ټپیان شوي دي. د دغې پېښې قربانیان د یوې کورنۍ غړي وو چې په یوه مراسم کې راټول شوي وو.

د مزارشريف د ټولنيزو او کلتوري چارو کارپوه وايي: د پوليسو تشکيل بايد ټول شموله وي او له خلکو سره د پوليسو مسلکي چلند بايد په جدي توګه تعقيب شي.

د بلخ امنیتي چارواکي وايي، په وروستیو میاشتو کې په مزارشریف ښار کې د کورونو څخه غلاوې په بې ساري ډول کمې شوي او ګراف یې صفر ته رسېدلی دی.

د بلخ ولایت نوي والي له سیمه ییزو چارواکو سره د یوه نوي پروګرام په ترڅ کې د دغه ولایت ولسوالیو ته سفر کړی، څو له حکومتي چارواکو او ځايي خلکو سره له نږدې وګوري او د هغوی ستونزې واوري.