د کابل ښار د سرای شهزاده سرای چارواکي د افغانیو پر وړاندې د ډالر د بیې له بې ساري کمښت څخه خبر ورکوي، چې په تېرو اوو کلونو کې د لومړي ځل لپاره یو ډالر په ۶۷ افغانیو په ټیټه بیه پېر او پلور کېږي.

د تورخم د لارې چارواکي وايي، دوه تنه چې غوښتل یې د دې لارې پاکستان ته ۳۲ زره امریکايي ډالر انتقال کړي، نیول شوي دي.

د تورخم د لارې چارواکي وايي، هغه کس یې نیولی، چې غوښتل یې د تورخم له لارې پاکستان ته شل زره امریکايي ډالر انتقال کړي.

د کورنیو چارو وزارت وايي، څلور تنه قاچاق وړونکي چې غوښتل یې ۷۰ زره امریکايي ډالر د تورخم له لارې پاکستان ته انتقال کړي، نیول شوي دي.

د اسلامي امارت سرپرست حکومت د قیمتي او نیمه قیمتي ډبرو ټولو سوداګرو، پیسو تبادله کوونکو او بار وړونکو ته خبرداری ورکړی چې له دې وروسته هیڅوک حق نه لري چې له پنځو زرو ډالرو څخه زیات ډالر بهر ته انتقال کړي.

د ترانسپورت او هوايي چلند وزارت بهر ته د ډالرو د قاچاق د کموالي خبر ورکړی او ویلي یې دي چې د هوايي ډګرونو له لارې بهر ته د ډالرو قاچاق نږدې صفر ته رسېدلی دی.

له افغانستان څخه ګاونډیو هېوادونو ته د ډالرو قاچاق له یوې خوا د وارداتي توکو بیه لوړوي او له بلې خوا به د ډالرو پر وړاندې د افغانیو بیه راټیټه کړي.