د اسلامي امارت ویاند وايي، د اسلامي امارت د رهبرۍ د فرمان له مخې به د هېواد د لویو لارو په هرو ۷۰ کیلومترۍ کې یو جومات جوړېږي، دغه جوماتونه به په عصري اسانتیاو سره جوړېږي.

د اسلامي امارت ویاند په یو شمېر ولایتونو کې نوې ګمارنې اعلان کړې او ویلي یې دي چې د اسلامي امارت د رهبرۍ د حکم له مخې یو شمېر واليان او امنیه قومندانان او مرستیالان ټاکل شوي دي.

د اسلامي امارت ویاند په یو شمېر ولایتونو کې نوې ګمارنې اعلان کړې او ویلي یې دي چې د اسلامي امارت د رهبرۍ د حکم له مخې د لوګر پخوانی والي مولوي عبدالعلي قدرت الله د پروان ولایت د والي په توګه ټاکل شوی او پخوانی د تخار ولایت والي مولوي ضیاء الرحمن مدنی د لوګر د والي په توګه ټاکل شوی دی.

د افغانستان د اسلامي امارت مشر په یوه نوي فرمان کې د هېواد د سوداګرۍ او صنایعو د ودې لپاره د لازمو اسانتیاوو د رامنځته کولو غوښتنه کړې ده.

د اسلامي امارت ویاند ذبیح الله مجاهد اعلان کړی چې د اسلامي امارت د مشر ملا هبت الله اخندزاده د فرمان له مخې د بدخشان، کونړ او زابل ولایتونو لپاره نوي واليان ټاکل شوي دي.

د اسلامي امارت مشر د لوي اختر په مناسبت په یوه پیغام کې د فلسطین مسئلې ته په اشارې سره ویلي دي: مونږ د فلسطین په ښځو، ماشومانو او بې دفاع خلکو باندې د اسرائیلو ظلمونه په کلکه غندو او له نورو هیوادونو یې غواړو چې مخنیوی یې وکړي. د دې ستر جنایت او وحشیانه ظلمونو لپاره خپل مکلفیت سرته ورسوي. مولوي هبة الله اخندزاده د سوډان له خلکو او اسلامي حکومت څخه ...

رویټرز خبري آژانس د یوې باخبرې سرچینې په حواله راپور ورکړی چې د قطر لومړي وزیر شیخ محمد بن عبدالرحمن آل ثاني افغانستان ته د خپل وروستي سفر په ترڅ کې د اسلامي امارت له مشر ملا هبت الله اخندزاده سره د سولې د هوکړې په اړه کتلي او د اسلامي امارت او نړیوالې ټولنې تر منځ ترینګلتیا، د ښځو پر تعلیم او کار بندیز او یو شمېر نورو مهمو موضوعاتو محرمې ناستې او ...

د اسلامي امارت مشر ملا هبت الله اخندزاده د روژې د مبارکې میاشتې په مناسبت د کندهار او هلمند ولایتونو له زندانونو څخه د ۷۰ تنو بندیانو د خلاصون امر کړی دی.

د اسلامي امارت د رهبرۍ په یو بل نوي او مهم فرمان کې راغلي چې د تدارکاتو او نورو قراردادونو د شفافیت د تامین په خاطر دولتي مامورین نشي کولای د وزارتونو په تدارکاتو په داوطلبۍ کې ګډون وکړي.

په دولتي ادارو کې د اسلامي امارت د مسؤلینو د زامنو او خپلوانو د لیرې کولو په اړه د اسلامي امارت د رهبري هیئت د فرمان وروسته د جوزجان مرستیال والي مولوي ګل محمد سلیم خپل زوی له دندې لیرې کړ.

د اسلامي امارت مشر ملا هبت الله اخندزاده ملا عبدالمنان عمري د کار او ټولنیزو چارو وزارت د نوي رئیس او ملا محمد عیسی ثاني د ټولګټو وزارت د سرپرست په توګه معرفي کړي دي.

د اسلامي امارت مشر ملا هبت الله اخندزاده د پنجشېر ولایت له یو شمېر مسؤلینو، علماوو او مخورو سره په کتنه کې هغوی ته امر وکړ چې په دغه ولایت کې دې نور هم اتفاق او اتحاد رامنځته کړي، تر څو د راتلونکي نسلونه ته د یووالي بېلګه پاتې شي.

د اسلامي امارت چارواکو د یوې خبرپاڼې په خپرولو سره د ملي دفاع وزارت له چارواکو سره د اسلامي امارت د مشر د لیدنې خبر ورکړی. ویل کیږي، چې په دې غونډه کې ملا هبت الله اخندزاده پوځي چارواکو ته سپارښتنه وکړه، چې له ظالمانه چلند او د خلکو له ځورولو ډډه وکړي.

د اسلامي امارت مشر ملا هبت الله اخندزاده په کندهار کې د واليانو له یوې ډلې سره په کتنه کې هغوی ته وویل چې قومي تعصب له منځه یوسي. هغه همدارنګه د اسلامي ټولنې د ستونزو په حل کې د شریعت پر رول ټینګار وکړ او د افرادو له خوا جوړ شوي قوانین د تطبیق وړ نه ګڼي.