د بشري حقونو د نړیوالې ورځې په مناسبت په افغانستان کې د ملګرو ملتونو د سیاسي مرستیال دفتر د اسلامي امارت له مسوولینو غوښتي چې د هېواد د باثباته، سوله ییز او سوکاله راتلونکي د بنسټ ډبرې په توګه د بشري حقونو ژمنې ومني او ملاتړ یې وکړي.

د اسلامي امارت د بهرنیو چارو وزارت د یوې اعلامیې په خپرولو سره پر غزې د صهیونیسټي رژیم د وحشیانه حملو د بیا پیلیدو د غندلو په ترڅ کې د سیمې او نړۍ له هیوادونو او همداراز د اسلامي شوراګانو او د بشري حقوقو له سازمانونو وغوښتل چې دغه جنایت ودروي.

د اسلامي امارت ویاند ذبیح الله مجاهد په افغانستان کې د روان کال په می او جون میاشتو کې د بشري حقونو د وضعیت په اړه د ملګرو ملتونو راپور له حقیقته لرې بللی او ویلي یې دي چې ملګري ملتونه باید د منفي راپورونو له خپرولو ډډه وکړي.

د اسلامي امارت د لوړو زده کړو وزارت سرپرست ندا محمد ندیم په کابل کې د پاکستان له سفیر سره په کتنه کې له اسلام آباد سره د اړیکو پر ټینګښت د ټینګار ترڅنګ وویل، بهرني هېوادونه باید د بشري حقونو په پلمه د افغانستان په کورنیو چارو کې له لاسوهنې ډډه وکړي.

آوا - ورځني کتنه: د ماشومانو د ورکیدو قضیه د کډوالو په اړه د لویدیځ د تاریخي رسوایۍ یو بل اړخ دی، چې تر هر څه د مخه د انګلستان او لویدیځ د بشري حقونو ادعاوې ننګوي او په معاصره نړۍ کې د انسانانو بې ارزښته تمدن څرګندوي.

د جرمونو د نړیوالې محکمې له خوا په افغانستان کې د جنګي جنایتونو د څېړلو لپاره د بشري حقونو د څار نړیوالې ادارې په یوه نوي راپور کې په افغانستان کې د امریکايي پوځیانو د هغو بریدونو د څېړلو غوښتنه کړې چې په ترڅ کې یې ملکي وګړي هم شهید شوي دي.

آوا - ورځني کتنه: اوس مهال د افغانستان ملیاردونه ډالره سرمایه د امریکا او د هغه د متحدینو په لاس کې ده، په داسې حال کې چې افغان ولس اړ دی چې د ژوندي پاتې کیدو لپاره له مرستندویه موسسو څخه خوراکي توکي ترلاسه کړي او په راتلونکي ژمي کې د میلیونونو خلکو ژوند خوندي کولو لپاره هیڅ سرچینې شتون نلري.

په افغانستان کې د بشري حقونو په برخه کې د ملګرو ملتونو ځانګړي استازي پرون (چهارشنبه د عقرب ٤) د يوې خبري غونډې په ترڅ کې د نړيوالې ټولنې له خوا د افغانستان پر هېرولو د نيوکې په ترڅ کې وويل: افغانانو له نړيوالې ټولنې د دايمي مرستو تمه نه درلوده، خو دا تمه یی هم نه درلود چي هیر کړل شي.

آوا - ورځنې لیکنه: کیرن ډیکر؛ په افغانستان کې د امریکا د سفارت شارژدافیر په افغانستان کې د خپل هېواد د پوځي حضور احتمال رد کړ او ویې ویل چې هېواد یې په دې برخه کې خبرو ته چمتو دی.   نوموړي له خبريالانو سره په مجازي خبرو کې د دې پوښتنې ځواب ستونزمن وباله چې آيا امريکا به بيا په افغانستان کې پوځي مداخله وکړي. خو هغه وویل چې هیواد یې د خبرو اترو ...

په افغانستان کې د بشري حقونو په برخه کې د ملګرو ملتونو د ځانګړي استازي ریچارډ بینیټ د راپور له خپرېدو سره هم مهاله د اسلامي امارت ویاند ذبیح الله مجاهد دغه راپور مغرضانه بللی دی. د هغه په وینا دا راپور د اسلامي امارت پر وړاندې د دغه سازمان دښمنانه دریځ دی او دغه ډله دغه دریځ غندي.

د ملګرو ملتونو د بشري حقونو د څار ادارې د ملګرو ملتونو د بشري حقونو شورا ته د یوه لیک په استولو سره د افغانستان لپاره د دې شورا د ځانګړي راپور ورکوونکي ریچارډ بینیټ د ماموریت د غځولو غوښتنه کړې ده.

د اسلامي امارت ویاند په افغانستان کې د بشري حقونو د خراب وضعیت، ټول شموله حکومت او د ښځو له حقونو او ازادۍ څخه د محرومیت په اړه د امریکا د بهرنیو چارو وزارت د ویاند څرګندونو ته غبرګون وښود او دا یې د هیواد په کورنیو چارو کې لاسوهنه وبلله.

په کابل کې د ښځو د مدافع بنسټ مسوولینو د یوې غونډې په ترڅ کې د ښځو له شتون پرته د مشورتي جرګې پرېکړې او پرېکړې د نه منلو وړ او ناسمې وبللې او د اسلامي امارت له چارواکو یې وغوښتل، چې لویې جرګې ته دې ښځې هم را دعوت کړي.

د کډوالو لپاره د ملګرو ملتونو عالي کمېشنرۍ (UNHCR) چې افغانستان ته د یوه پلاوي مشري یې کړې وه، د سوداګرو ښځو له یوې ډلې سره په لیدنه کې وویل، "په افغانستان کې د څو لسیزو جګړو سره سره، ښځې باثباته پاتې دي." نوموړي دغه راز يادونه وکړه، چې ډېر ماشومان په ځانګړې توګه نجونې له زده کړو بې برخې دي.

د ملګرو ملتونو د بشري حقونو د شورا غونډه نن پیل شوه او د جولای تر اتمې به دوام وکړي. د بشري حقونو په ځواب کې د حکومتونو رول، کرونا وبا، او د اشغال شوې فلسطیني سیمي په اړه خبرې اترې به د اجنډا په سر کې وي. ویل کیږي چې د دې احتمال شته چې په افغانستان کې بشري حقونو ته درناوی د شورا په اجنډا کې وي.