افغانان دا تمه نه درلود چي هیر کړل شي

افغان غږ خبری آژانس: نوموړي پرون (چهارشنبه، عقرب ۴) په نیویارک کې د یوې خبري غونډې پر مهال وویل چې افغان اتباع په ځانګړې توګه ښځې او نجونې احساس کوي چي هیر کړل شوي دي.
 
بینیټ وویل چې افغانانو "له نړیوالې ټولنې څخه د تلپاتې ملاتړ تمه نه درلوده، مګر دوی دا تمه هم نه درلوده چې ۱۴ میاشتې مخکې د دوي سره وشول.
 
هغه وايي، په افغانستان کې د ښځو او نجونو په حقونو کې لوی بدلون راغلی، داسې بدلون چې ښايي په تاریخ کې بې ساری وي. د بشري حقونو په برخه کې د ځانګړي راپور ورکوونکي په وینا، د تېرو دوو لسیزو لاسته راوړنو ته په کتو دا بدلون د ۱۹۹۶ کال په پرتله یو څه ډېر دی.
 
په افغانستان کې د ښځو او نجونو له حقونو څخه د سرغړونې اصلي لامل له زده کړې او کار څخه د هغوی محرومیت دی. تر اوسه اسلامي امارت له شپږم ټولګي څخه پورته نجونو ته ښوونځي ته د تلو اجازه نه ده ورکړې او په اکثرو دولتي ادارو کې ښځینه کارمندانې په کورونو کې پاتې کیدو ته اړ شوي دي.
 
بینیټ، چې په دې وروستیو کې افغانستان ته سفر کړی، دا هم وویل: "د رسنیو په وړاندې پراخه کړکیچ شوی دی. "یو بشري ناورین شتون لري او اوږدمهاله معافیت او د حساب ورکولو نشتوالی شتون لري."
 
هغه ټینګار وکړ چې افغانستان هغه هېواد دی چې له څلورو لسیزو څخه زیاتې جګړې یې تجربه کړې او د دې جګړې له امله د دغه هېواد خلکو او ټولنیز جوړښت ته زیانونه اوښتي دي.
 
بینیټ وویل چې افغانستان ته د خپل سفر په ترڅ کې یې "له افغانانو سره خبرې وکړې، دوی په ریښتیا احساس کوي چې په بل ځای کې، په ځانګړې توګه اوکراین ته ډیره پاملرنه کیږي."
 
نوموړي د خپلې وینا په یوه برخه کې ویلي چې په افغانستان کې د شیعه هزاره ګانو، صوفیانو او سیکانو په ګډون قومي او مذهبي اقلیتونه له تبعیض او مستقیمو بریدونو سره مخامخ دي. بینیټ د کابل په لویدیځ کې د کج پر ښوونځي وروستي برید ته هم اشاره وکړه. په دغه برید کې شاوخوا ۶۰ زده کوونکي، چې ډېری یې نجونې وې، چې د کانکور په ازموینو کې یې ګډون کړی و، ووژل شول.