وروسته له هغه چې په کابل او پکتیا کې د مونکي پوکس دوه شکمنې پېښې ثبت شوې، د عامې روغتیا وزارت چارواکي وايي چې تر اوسه په افغانستان کې د دې ناروغۍ کومه شکمنه یا مثبته پېښه نه ده ثبت شوې.
دخپریدو نیټه :سه شنبه ۶ سنبله ۱۴۰۳ ساعت ۱۱:۵۴
د مطلب کود : 295974
افغان غږ خبری آژانس - کابل: د عامې روغتیا وزارت ویاند شرافت زمان امرخیل د سه شنبې په ورځ سلام وطندار ته وویل چې د عامې روغتیا وزارت به د مونی پوکس یوه شکمنه یا مثبته پیښه اعلان کړي.
تر دې مخکې یو شمېر رسنیو د روغتیايي سرچینو له قوله ویلي وو، چې په کابل او پکتیا کې د مونکي پوکس دوه شکمنې پېښې ثبت شوې دي.
د عامې روغتیا چارواکو نږدې یوه اونۍ وړاندې اعلان وکړ چې دوی د منکی پوکس د خپریدو مخنیوي لپاره کار کوي.
تر دې دمه په پاکستان، سویډن او افریقا کې د مونکي پوکس پېښې ثبت شوې دي. د روغتیا نړیوال سازمان د منکی پوکس خپریدل یو روغتیایی بیړنی حالت اعلان کړی او وایی د ویروس نوی فشار په خپریدو دی.
avapress.net/vdcbzsb5arhb99p.q3ur.html
ډیری لیدل شوي
