د کندهار د اطلاعاتو او کلتور ریاست وايي، په افغانستان کې د ملګرو ملتونو د مرستندویه پلاوي (یوناما) مشر د کندهار د والي له مرستیال سره وکتل او ویې ویل چې غواړي له کروندګرو سره د کوکنارو د بدیل کښت په برخه کې مرسته وکړي.
دخپریدو نیټه :دوشنبه ۵ سنبله ۱۴۰۳ ساعت ۰۹:۵۳
د مطلب کود : 295884
افغان غږ خبری آژانس: د اسلامي امارت د اطلاعاتو او کلتور ریاست نه په خپره شوې خبرپاڼه کې راغلي، چې په افغانستان کې د ملګرو ملتونو د مرستندویه پلاوي (یوناما) د دفتر مشرې روزا اوتنبایوا د کندهار ولایت له مرستیال والي سره وکتل.
په خبرپاڼه کې راغلي، چې د يوناما مشر د کندهار له مرستيال والي ملا محمد صادق انقلابي سره وکتل او ويې ويل، چې غواړي په دغه ولايت کې له کروندګرو سره د کوکنارو د بديل کښت په برخه کې مرسته وکړي.
په همدې حال کې دکندهار مرستيال والي ده ته ښه راغلاست ووايه او ويې ويل چې دغه اداره بايد په دغه ولايت کې دبنسټيزو پروژو دتطبيق او په نشه يي توکو د روږدو کسانو د درملنې په برخه کې هم همکاري وکړي.
کندهار ولایت ته د یوناما د مشر سفر د اسلامي امارت له لوري د خیر د حکم او له بدو د منع قانون له لاسلیک وروسته کېږي.
avapress.net/vdcbwsb5arhb9wp.q3ur.html
ډیری لیدل شوي
