ځينې سیاستوالان وايي چې په حکومت یوشمېر کړۍ هڅه کوي چې د هېواد په ځينو برخو کې ملېشه جوړه او زورواکي په وسلو سمبال کړي. دغه سیاسي څېرې وايي چې د امنیتي تړون په چوکاټ کې، حکومت هڅه کوي چې خپلې سیاسي موخې تعقیب کړي او د سولې په وړاندې د حکومت د موخو د ملاتړ لپاره له ولسي ځواکونو ګټه پورته کړي. دوی وايي، له طالبانو سره تر سولې وروسته د حکومت د ...

د ننګرهار د والي ویاند عطاالله خوګیاڼی وایي،په یاده پېښه کې دوه تنه مړه شوي او ۴ نور ټپيان دي. د خوکیاڼي په خبره په مړو او ټپيانو کې ماشومان او میرمنې شامل دي او زیاتوي، چې د ۲ ټپيانو وضعیت د اندېښې وړ دی. دغه راز د یوه بل خبر له مخې د والي ویاند عطاالله خوګیاڼی وایي، په بټي کوټ ولسوالۍ کې د یوې ترافیکې پېښې له امله درې تنه ټپیان شوي دي. نوموړی وایي ...

د پاکستان لومړي، وزیر عمران خان د افغانستان د مصالحې عالي شورا له مشر عبدالله عبدالله سره ټیلفوني خبرې کړي او هغه یې پاکستان ته ور بللی دی. د مصالحې عالي شورا په یوه اعلامیه کې ویلي چې د پاکستان لومړي وزیر د افغانستان د سولې د هڅو ملاتړ کړی او هیله یې ښودلی چې بین الافغاني خبرې ژر پیل شي او دغه هیواد کې کړکیچ له منځه لاړ شي. عمران خان په افغانستان ...

ولسمشر محمد اشرف غني د تاجکستان له ولسمشر امام علي رحمان سره ټلیفوني خبرې کړي دي. د ولسمشرۍ ماڼۍ څخه په خپره شوې خبرپاڼه کې راغلي، د دواړو مشرانو د دوه اړخیزو اړیکو په ځانګړي ډول د سوداګرۍ، ټرانزیټ او سیمه‌ییزو همکاریو په لا پیاوړتیا او د امو سیند سواحلو په اوږدو کې د همکاریو پر زیاتېدو بحث کړی. د خبرپاڼې په خبره، د تاجکستان ولسمشر امام علي رحمان ...

د ملي دفاع وزارت سرپرست، اسدالله خالد وایي افغانستان یوځلې پخوا خپله اردو له لاسه ورکړې، خو بیا د افغانستان د ملي اردو او بنسټونو د له منځه تلو اجازه نه ورکوي.

په قطر کې د طالبانو د سیاسي دفتر مشر او ددې ډلې مرستیال ملا عبدالغني برادر له یوه پلاوي سره پاکستان هېواد ته تللی دی. د دغه دفتر ویاند سهیل شاهین پر خپله توېټر پاڼه ددې خبر پخلی کړی دی او لیکلي یې دي چې ملابرادر به په پاکستان کې د افغان کډواولو پر ستونزو او د دواړو هېوادونو ترمنځ د خلکو تګ راتګ او د سوداګرۍ په برخه کې د اسانتیاو پر برابرولو حبرې وکړي....

د یمن د وسله والو ځواکونو ویاند یحیی سریع وویل حکومتي عسکرو او ولسي کمیټیو په البیضا ولایت کښې په عملیاتو کښې داسې سندونه موندلي دي چې د سعودي عربستان په ائتلاف کښې د داعش او د القاعده ترهګرو ډلو د عناصرو د مشارکت ښودنه کوي .

پاکستان پر دوو طالب مشرانو ملا عبدالغني برادر او سراج الدین حقاني دغه هیواد د سفر بندیزونه لګولي دي. د پاکستان د بهرنیو چارو وزارت وایي، دغه دوه طالب مشران له دې وروسته نه شي کولای چې پاکستان ته سفر وکړي او شتمني به یې کنګل کېږي. دغه وزارت تېره ورځ اعلان وکړ، چې د ملګرو ملتونو د امنیت شورا د ۲۲۵۵ پرېکړې له مخې ملا برادر او سراج‌الدین حقاني پاکستان ...

د ناټو ملکي استازي له ولسمشرغني سره په لیدنه کې نوموړي ته ډاډ ورکړی چې له افغان پوځ او افغان حکومت به د ناټو ملاتړ دوام ولري. د ولسمشرۍ ماڼۍ څخه په خپره شوې خبرپاڼه کې راغلي، ولسمشرغني تېره ورځ ناوخته په افغانستان کې د ناټو له ملکي استازي ستيفانو پونتیکورو سره کتلي. په خبرپاڼه کې راغلي، د ناټو ملکي استازي په دې لیدنه کې ټینګار کړی چې له افغان ...

امریکا پر ۱۴ امریکايي وګړو له بشري حقوقو د سرغړونې په تور د وېزې بندیز لګولی. د امریکا د بهرنیو چارو وزیر تېره ورځ پر ۱۴ ایرني وګړو د ویزې بندیز ولګاوه او ويې وویل، دغه خلک د ایران د رژیم له خوا د بشري حقوقو څخه په سرغړونو کې ښکېل وو. نوموړي ویلي، دا کړنې په نړۍ کې د ایراني حکومت د ډېری قربانیانو لپاره د ملاتړ پیغام دی چې ترهګري خپروي. پمپیو ...

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد یو ځل بیا د بین الافغاني خبرو پر ژر تر ژره پیلېدو ټینګار کړی دی. ښاغلي خلیلزاد نن جمعه اګست۲۱(زمري۳۱) پر خپل ټوېټر لیکلي چې د بین الافغاني خبرو د ځنډېدو لپاره هیڅ دلیل نشته.

پاکستاني طالبانو يا تحريک طالبان پاکستان (TTP) تازه اعلان کړی چې له دې ډلې دوه جلا شوي وسله‌وال ګروپونه بېرته له دوی سره يو ځای شوي دي. د تحريک طالبان پاکستان له لوري په خپره شوې خبرپاڼه کې راغلي چې جماعت الاحرار او حزب الاحرار بېرته د تحريک طالبان پاکستان ډلې له مشر مفتي نورولي سره بيعت کړی دی. له هغه وروسته چې د امريکايي بې‌پيلوټه الوتکو په ...

د روسیې د بهرنیو چارو وزارت ویاندې ماریا زاخارووا د امریکا د تورونو په ځواب کې وویل چې واشنګټن هیڅ ثبوت نه دی وړاندې کړی. د روسیې د بهرنیو چارو وزارت ویاندې ماریا زاخارووا وویل چې د متحده ایالاتو د بهرنیو چارو وزیر مایک پامپیو د روسیې د بهرنیو چارو له وزیر سرګي لاوروف سره په تلیفوني خبرو کې له طالبانو سره د مسکو د همکارۍ مسله راپورته کړې وه. هغه د ...

د تحریک طالبان پاکستان ویاند محمد خراساني له لورې شمشاد ته په یو استول شوي پېغام کې لیکلي چې د پاکستاني طالبانو دوه لویې ډلې جماعت الاحرار او حزب الاحرار بېرته د تحریک طالبان پاکستان سره یو ځای شوي د ده په وینا تحریک طالبان پاکستان، جماعت الاحرار او حزب الاحرار به له دې وروسته په یوه نظم یعنې په ” ټي ټي پي” کې خپلې سرګرمیانې پر مخ وړي. په پیغام ...

پکتیا ولایت کې د ملي امنیت ځواکونو پر اکمالاتي کاروان د سړک غاړې دوو ماین چاودنو له کبله درې امنیتي سرتېرې وژل شوي او دوه نور ټپیان شوي دي. د ۲۰۳ تندر قول اردو ویاند ایمل مومند خامه پرس ته وویل، یاده پېښه نن له غرمې مخکې د پکتیا ولایت د احمد خېلو ولسوالۍ په حسن خېلو سیمه کې رامنځته شوې ده. نوموړی وایي، پېښه هغه مهال رامنځته شوه چې د ملي امنیت ...

افغان ځواکونو په ننګرهار د افغانستان د ملي دفاع وزارت وایي چې د ډېورنډ پولې ته څېرمه د ننګرهار ولايت ګوشتې ولسوالۍ په ګوڅړۍ سيمه کې دفاعي ملي امنيتي ځواکونو نظامي تمرینات (مشقونه) ترسره کړي دي. د یاد وزارت لخوا په خپره شوې خبرپاڼه کې راغلي، په دې پوځي مشقونو کې پياده، کمانډو، ضربتي، پوله ساتو او هوايي ځواکونو ګډون درلود او د خپلو درنو او سپکو ...

د افغانستان د وسله وال پوځ سرتېرو د خپلو سپکو او درندو وسلو د وړتیا ښودلو په هدف پوځي تطبیقات تر سره کړل. دغه پوځي تطبیقات پرون جمعه اګست۱۴(زمري۲۴) ډیورنډ کرښې ته نژدې د ننګرهار ولایت د ګوشتې ولسوالۍ په ګوڅړۍ سیمه کې تر سره شوي دي. د افغانستان دفاع وزارت ویلي چې په یادو تطبیقاتو کې پیاده، کمانډو، ضربتي، پوله ساتو او هوايي ځواکونو ګډون کړی و. دفاع ...

د ملګرو ملتونو امنیت شورا پر ایران د امریکا د بنديزونو په اړه د دغه هیواد نوې طرحه نه ده منلې. د راپورونو له مخې امریکا پر ایران د وسلو د بنديز لپاره امنیت شورا ته یو پرېکړه‌لیک لېږلی و او غوښتې یې و چې پر ایران د وسلو په برخه کې اوسني بندیزونه وغځېږي، خو دغه طرحې یوازې دوې مثتبې رایې لرلې او روسیې او چین ورته د رد رایه کارولې وه. دغه راز د امریکا ...

متحده عربي اماراتو او اسرائیل د خپلمنځي اړیکو د نورمالولو په هدف یوه هوکړه کړې ده. بهرنیو رسنیو په خپلو راپورونو کې ویلي چې د اسرائیلو لومړي وزیر بنیامین نتنیاهو او د ابوظبي د شهزاده محمد بن زاید په یوه ګډه اعلامیه کې هیله ښودلې ده چې دا تاریخي پرمختګ به په منځني ختیځ کې سوله راولي.‌ سرچېنه زیاتوي چې اسرائیل به د هړکړې له مخې په ختیځه تړانګه کې د فلسطین ...

چين د افغان حکومت له لوري د ۴۰۰ طالب بنديانو د خوشي کولو هرکلی کړی او ټينګار يې کړی چې دغه ګام د افغان حکومت او طالبانو تر منځ د باور فضا پياوړې کولای شي. د چين د بهرنيو چارو وزارت وياند يوې خبري غونډې ته ويلي، چين تله هڅه کړې د افغانستان د سولې په مسئله کې مثبت رول ولوبوي. د چين د بهرنيو چارو وزارت وياند دغه راز په دې خبري غونډه کې د مشورتي ...