د اسلامي امارت د صنایعو او سوداګرۍ له سرپرست وزیر سره په کتنه کې د ورېښمو د لارې شرکت مسوولینو له «اوبو او باد» څخه د برېښنا په تولید او همدارنګه د هیرتان له لارې د نفتي توکو په واردولو کې پانګونې ته چمتووالی وښود. 

د حبیب ګلزار شرکت استازي سید محمد توقیر د اسلامي امارت د صنایعو او سوداګرۍ له سرپرست وزیر نورالدین عزیزي سره په لیدنه کې وویل چې له پنجشیر څخه کابل ته د اوبو د لیږد په پروژه کې پانګونه کوي.