د بهرنیو چارو وزارت اداري مرستیال مولوي عبدالسلام حنفي د افغانستان لپاره د اسلامي همکاریو د سازمان له ځانګړي استازي سره په کتنه کې په نړیوالو غونډو کې د افغانستان د حکومت د استازو پر شتون د ټینګار په ترڅ کې د اسلامي هېوادونو شرکتونو څخه غوښتنه وکړه ترڅو د کانونو، انرژۍ تولید، ترانسپورت او نورو برخو کې د ګډون لپاره باید په افغانستان کې پانګونه وکړي.

د جمهور رئیس ځانګړي استازي او په کابل کې د ایران د سفارت سرپرست حسن کاظمي قمي د اسلامي امارت د بهرنیو چارو له سرپرست امیر خان متقي سره په کتنه کې د دواړو هېوادونو د جغرافیایي ارزښت او د فرصتونو په اړه خبرې وکړې. سیمه ایز او نړیوال تجارت رامینځته کول او د زیربنایی پروژو او اقتصاد په شمول د کان کیندنې ، انرژي ، ریل پټلۍ او نورو کې پانګوونې ته د ایران ...

یو شمېر ایراني سوداګرو د رئیس الوزرا د وزارت له سیاسي مرستیال سره په لیدنه کې په افغانستان کې د پانګونې هیله څرګنده کړې او ویلي یې دي چې ډېر ژر به په دغه هېواد کې د ۱۰۰ میلیونو ډالرو په ارزښت د تولیدي فابریکو د جوړولو لومړنۍ چارې پرانیزي.

ويناوالو د کابل په لويديځ کې د جامو جوړولو د يوه شرکت د پرانيستې پر مهال په هېواد کې د سوداګرو له پانګونې څخه د خوښۍ په څرګندولو سره وويل چې په افغانستان کې د توليدي شرکتونو په جوړېدو سره به ځوانانو ته د کار زمينه برابره شي.

د نورستان د والي وياند وايي، د چين د پانګوالو يوه پلاوي د نورستان له والي حافظ محمد آغا حکيم سره په کتنه کې د ليتيم د کانونو د پېژندنې او استخراج په برخه کې پانګونې ته لېوالتيا ښودلې ده.

د کانونو او پټرولیم وزارت د هرات ولایت د اوسپنې په کان او د غور ولایت د سربو په کان کې د پانګونې په موخه د ۲۵۰ کورنیو او بهرنیو شرکتونو د ثبت خبر ورکوي. دغه وزارت د دغو شرکتونو د وړاندیزونو د ارزونې بهیر پیل کړی او وايي چې ډېر ژر به د ګټونکو شرکتونو نومونه اعلان شي.

په دغه کتنه کې چې د لومړي وزیر د اداري مرستیال له لوري د ترکیې ۷۷ ساختماني شرکت له مسئولینو سره ترسره شوه، نوموړي له سوداګرو وغوښتل چې د هېواد د انرژۍ او برېښنا په برخه کې پانګونه وکړي او زیاته یې کړه چې اسلامي امارت په دې برخه کې د کورنیو او بهرنیو پانګوالو ملاتړ کوي. دغه راز د دغې غونډې په ترڅ کې دغه ساختماني شرکت د ۱۵۱ میګاواټو په ظرفیت د کجکي د ...

د اسلامي امارت د کانونو او پټرولیم وزارت سرپرست په کابل کې د ترکیې له سفیر سره په لیدنه کې ویلي دي چې دغه وزارت د ټولو هغو ملي او نړیوالو پانګوالو هرکلی کوي چې غواړي د افغانستان د کانونو په سکتور کې پانګونه وکړي.

شیر محمد عباس ستانکزی؛ داسلامي امارت دبهرنيو چارو وزارت مرستيال وايي چې له نورو ګاونډيو هيوادونو سره د يووالي په رامنځته کولو سره به بهرنيانو ته اجازه ورنکړي چې افغانستان او سيمې ته ننوځي . ځکه چې په سیمه کې د بهرنیانو شتون سیمه بې ثباته کوي.

د ملا عبدالغني برادر؛ د رئیس الوزرا مرستیال په کابل کې د افغان پانګونې شرکت د پرانیستې په مراسمو کې وویل چې د هېواد سوداګر د پرمختګ اساسي عنصر دی. هغه زیاته کړه چې نن په افغانستان کې د پانګوالو لپاره کومه ستونزه نشته.