د کابل د امنیې قومندانۍ ویاند وايي، د لومړي وزیر د فرمان پر بنسټ له پاکستان څخه د راستنیدونکو کډوالو لپاره د کابل ښار په شمالي ترمینل کې موقتي کمپ جوړ شوی دی.

د مهاجرینو او راستنیدونکو چارو وزارت وايي، د تورخم په پوله کې د ۲۵۰ جریبه ځمکې په مساحت د یوه کمپ چې د ۲۰ زره کډوالو د اوسیدو ظرفیت لري د نقشې او جوړولو کار پیل شوی دی.

ملي ټلویزیون راپور ورکړ چې د کورنیو چارو سرپرست وزیر سراج الدین حقاني د یوه پلاوي په مشرۍ ننګرهار ولایت ته د تورخم په پوله د سفر پر مهال له پاکستانه د شړل شویو کډوالو په اړه خبرې وکړې.