د اسلامي امارت د کانونو او پټرولیم وزارت اعلان کړی چې د روان کال د عقرب میاشتې له لومړۍ نیټې څخه به هیڅ پانګه وال د وزارت له لیکلي اجازې پرته د ډبرو سکاره بهر ته صادر نه کړي.

د سمنګان ولایت د ډبرو سکرو یو شمېر کارګران او پلورونکي وايي، د تېرو کلونو په پرتله سږ کال د ډبرو سکرو د پلور بازار د پام وړ کم شوی دی.

د هرات ولايت د کانونو او پټروليم رييس د دغه ولايت په اوبه ولسوالۍ کې د ډبرو سکرو د استخراج د پيل خبر ورکوي. د دغه کان د قرارداد لګښت ۲۵۸ میلیونه افغانۍ دی چې ۴۰۰ کسانو ته یې د کار زمینه برابره کړې ده.

د افغانستان او پاکستان د سوداګرۍ ګډه خونه وايي، د اسلام اباد او کابل ترمنځ هوکړه شوې، چې له مخې به یې پاکستان ته پر ځینو وارداتي توکو تعرفه کمېږي.

د صنایعو او سوداګرۍ وزارت سرپرست د ډبرو سکرو سکټور له غړو سره په کتنه کې ټینګار وکړ چې د هېوادوالو د لازیاتې اسانتیا لپاره باید په هېواد کې د ډبرو سکرو ملي اتحادیه جوړه شي.

په بامیان ولایت کې د ډبرو سکرو لومړی مارکېټ پرانیستل شو، چې د محلي حکومت له خوا په اعلان شوي بیه د ډبرو سکاره خلکو ته عرضه کوي.

د کابل ښاروالۍ مسؤلین وايي، د کابل ښار په ۲۲ ناحیو کې مستحقینو ته د ډبرو سکرو د وېش لړۍ پیل شوې ده.

د سړې موسم په رارسیدو او د خلکو د زیاتې ناخوالې له امله کابل ښاروالۍ د کانونو او پټرولیم وزارت په همکارۍ پرېکړه کړې چې د کابل ښار په ۲۲ ناحیو کې څلور لکه ټنه سکاره زیرمه او په ارزانه بیه توزیع کړي.

د صدراعظم د دفتر اقتصادي مرستیال بهرنیو هېوادونو ته د ډبرو سکرو او کرنیزو محصولاتو په صادراتو کې د پام وړ زیاتوالی اعلانوي او وايي چې افغانستان په تېرو اوو میاشتو کې د یو میلیارد او ۸۵ میلیونو ډالرو په ارزښت صادرات کړي دي.

د بغلان سیمه ییز چارواکي وايي، د دې ولایت په نهرین ولسوالۍ کې د ډبرو سکرو د کان درې کارکوونکي د ګازو د تنفس له امله مړه شوي دي.

وروسته له هغې چې پاکستان له افغانستان څخه د ډبرو سکرو واردات په کلدارو پیسو زیات کړل، اوس ویل کېږي چې دغه هېواد ته د ډبرو سکرو د صادراتو کچه د ورځې ۳۰۰۰ ټنو ته رسېدلې ده.