د لوړو زده کړو وزارت سرپرست په میدان وردګ ولایت کې په جوړه شوې غونډه کې د دغه ولایت د مجاهدینو سرښندنې وستایلې او له خلکو یې وغوښتل چې د وطن د دښمنانو د تعصبي تبلیغاتو پر وړاندې ودریږي.

د بهرنیو چارو وزارت سرپرست په هغې غونډه کې چې د کابل د علماوو او مخورو په ګډون جوړه شوې وه وویل: موږ باید له تېرو پېښو زده کړو او په دې پوه شو چې له ظالمانو او د هېواد له دښمنانو سره یو ځای کېدل د هیچا په ګټه نه دي.