د سیاسي چارو کارپوهان وايي، امریکایانو په افغانستان کې د خپل شل کلن پوځي حضور په ترڅ کې بې شمېره جنایتونه کړي، نو د دوحې د تړون لاسلیک باید په افغانستان کې د امریکا د جنایتونو د توجیه وړ نه وي.

د کب د لسمه د دوحې د تړون د دریمې کلیزې سره سمون خوري، اسلامي امارت ویلي دي چې د اسلامي امارت او امریکا تر منځ دغه تړون د یوې سترې بریا او د آزادۍ د لاسته راوړنې پیلامه وه او د دې سبب شوه چې افغانستان له شل کلن اشغال او جګړې څخه خلاص شي.