د افغانستان د مرکزي بانک چارواکي وايي، د نویو بانکنوټونو د وېش او د زړو بانکنوټونو د راټولولو بهیر یې پیل کړی دی. دوی همدا راز ټینګار کوي چې په خصوصي بانکونو کې د بانکدارۍ محدودیتونه به په تدریجي ډول لرې شي.

د افغانستان د مرکزي بانک مسوولینو د افغانستان لپاره د ملګرو ملتونو له ځانګړي همغږي کوونکي سره په کتنه کې په هېواد کې د بهرنیو اسعارو د زېرمو د کمېدو غوښتنه وکړه او ویې ویل چې د افغانانو د ستونزو له امله باید د هېواد پر بانکي سکټور لګول شوي محدودیتونه لیرې شي.

د افغانستان د خصوصي بانکونو د اتحادیې مسوولین وايي، دا مهال په هېواد کې د درېیو دولتي بانکونو او د نړیوال بانک د دوو ادارو په ګډون ۱۲ بانکونه فعال دي، چې په وینا یې په دې وروستیو کې په افغانستان کې د بانکونو وضعیت مخ په ښه کېدو دی.

د افغانستان لپاره د امریکا ځانګړي استازي په متحده عربي اماراتو کې د افغان سوداګرو له شورا سره په کتنه کې اعلان وکړ چې په نږدې راتلونکي کې به د هېواد بانکي ستونزې هوارې شي.