په کابل کې د ترکیې سفیر د اسلامي امارت له اداري مرستیال سره په لیدنه کې وویل چې د ترکیې او افغانستان ترمنځ سوداګریزې او اقتصادي اړیکې په کلني ډول ۳۰۰ میلیونه ډالرو ته رسیدلي دي. هغه زیاته کړه چې ترکیه غواړي له افغانستان سره د یو میلیارد ډالرو په ارزښت سوداګري پراخه کړي.

د رئیس الوزرا اداري مرستیال عبدالسلام حنفي د ترکیې له سفیر سره په کتنه کې وویل چې کابل د نړۍ له ټولو هیوادونو سره د اړیکو پراختیا غواړي او اسلامي امارت د بهرنیو سوداګرو او پانګوالو د حضور هرکلی او ملاتړ کوي.