د افغانستان د ځوانانو د کرکټ ملي لوبډله د اسيايي سياليو له ګټلو وروسته کابل ته راستنه شوه

افغان غږ خبری آژانس: د افغانستان د کرکټ د ملي ټیم غړي هیواد ته په رسیدو سره، د افغانستان د کرکټ بورډ چارواکي او یو شمیر ورزشکاران په کابل کې د دغې لوبډلې هرکلي ته ورغلل. 
دوی د افغانستان د ځوانانو د کرکټ ملي لوبډلې لوبغاړو ته د ګول په ورکولو سره په اسیا کې د اتلولۍ له امله مبارکي وویله.
د افغانستان د ځوانانو د کرکټ ملي لوبډلې سریلانکا ته په ماتې ورکولو سره د اسیا جام اتلولي خپله کړه.