د افغانستان د فوټسال ملي لوبډله تایلنډ ته روانه شوه

افغان غږ خبری آژانس - د افغانستان د فوټبال فدراسیون چارواکو اعلان کړی، چې د دغه هېواد د فوټسال لوبغاړي په ایران کې د تمریناتي کمپ له پای ته رسولو وروسته تایلند ته روان شوي دي.

 

د افغانستان لومړۍ لوبه به د دوشنبې په ورځ د سنبلې په ۱۲مه د ګواتیمالا د فوټسال له ملي لوبډلې سره وي.

 

دغه راز د فوټسال ملي لوبډله به د سپټمبر په ۱۳مه له کویټ، د سپټمبر په ۱۴مه له نیوزیلنډ او د سپټمبر په ۱۶مه به له تایلنډ سره لوبې وکړي.

 

د افغانستان د فوټسال ملي لوبډله به د ۲۰۲۴ کال د فوټسال نړیوال جام ته د چمتووالي په موخه له دغه ټورنمنټ وروسته سمدلاسه له بنکاک څخه تاشکند ته ولاړه شي.

 

د يادونې ده، چې راتلونکې مياشت په ازبکستان کې د فوټبال نړيوال جام ته د چمتووالي په موخه د افغانستان، تايلنډ، نيوزيلنډ، کويټ او ګواتيمالا د فوټسال سيالۍ ترسره کېږي.