افغان غږ خبری آژانس - کابل: د افغانستان د کورنیو چارو وزارت له مطبوعاتي دفتره په خپره شوې خبرپاڼه کې راغلي چې د دغه وزارت سرپرست سراج الدین حقاني په افغانستان کې د چین د حکومت له سفیر ژاؤسینګ سره وکتل.
د جمهور آژانس د خبر له مخې په دغه کتنه کې دواړو لورو په سیمه کې د ثبات او د امنیتي او تخنیکي همکاریو پر دوام خبرې وکړې.
په کابل کې د چین سفیر د دغه هېواد د پروژو د امنیت او د چینايي ډیپلوماټانو د همکارۍ ستاینه کړې ده.
باید وویل شي چې چین په تیرو دریو کلونو کې له اسلامي امارت سره خپلې اقتصادي، سیاسي او امنیتي همکارۍ پراخې کړي دي.