د کډوالو او راستنیدونکو چارو وزارت اعلان کړی چې په غور ولایت کې د سېلابونو له امله څه باندې ۱۰۰۰ کورنۍ له خپلو سیمو بې ځایه شوې دي.

د کډوالو او راستنیدونکو چارو وزارت وايي، په تېرو دوو ورځو کې نږدې ۱۳۷۹ کډوال له ایران او ۹۱۳ نور له پاکستانه په خپله خوښه او په زوره ایستل شوي او هېواد ته راستانه شوي دي.

د دغه هېواد د خوړو او درملو ملي ادارې اعلان وکړ چې د لومړي ځل لپاره یې د ۵۸۵ زره ډالرو په ارزښت ۸۰۰ زره بوتله سیروم او طبي وسایل عراق ته صادر کړي دي.

د پوهنې وزارت اعلان کړی، چې د غزني ولایت په جاغوري ولسوالۍ کې د پنځه میلیونه افغانیو په لګښت د یوه ښوونځي د جوړېدو چارې پیل شوې.

د اوسپنې پټلۍ رياست د دغه رياست د تخنيکي بورډ او د کندهار ولايت د سيمه ييزو مسوولينو له خوا د کندهار – سپين بولدک د اورګاډي پټلۍ د پروژې لومړنۍ سروې اعلان کړه.

د اسلامي امارت د عدلیې وزارت په تېره یوه میاشت کې له ۱۱۹ زره جریبه غصب شوی ځمکي د بېرته ترلاسه کولو خبر ورکړی دی.

د انرژۍ او اوبو وزارت په پکتيا ولايت کې ددغه وزارت له بودجې څخه دڅه دپاسه دوه ميليونه افغانيو په لګښت د اوبو ديو کوچني بند دجوړولو کار پيل کړى دى.

د سره صليب د کميټې د ساحوي دفتر مشر د پنجشير له والي سره په کتنه کې په دغه ولايت کې د دغې کميټې له خوا د ځينو رغنيزو پلانونو د تطبيق خبر ورکړ.

د کندز ولايت د احصايې او اطلاعاتو رياست مسوولينو په تير کال کې ددغه رياست له خوا ١٤١١٤٨ کاغذي او الکترونيکي تذکرې ويشل شوي دي.

د روسیې سفیر د رئیس الوزرا له سیاسي مرستیال سره په لیدنه کې هغه ته بلنه ورکړه چې په هغه نړیواله غونډه کې ګډون وکړي چې د تاتارستان په کازان سیمه کې جوړېږي، د روسیې سفیر په دې کتنه کې وویل چې هېواد یې د دوه اړخیزې اړیکې د لا پراختیا غوښتونکی دی.

د فلسطین د روغتیا وزارت اعلان وکړ چې تر اوسه پورې په غزه کې د شهیدانو شمیر ۳۴ زره ۶۸۳ تنو ته رسیدلی او ۷۸ زره ۱۸ تنه ټپیان شوي دي.

د اسرائیلو رسنیو خبر ورکړی، چې د غزې تړانګې په جنوب ختیځ کې د کرم ابو سالم بندر ته څېرمه د فلسطیني مقاومت له لوري د توغندي په برید کې د دغه رژیم ۴ پوځیان وژل شوي او ۶ نور ټپیان شوي دي.

د اسلامي همکاریو د سازمان عمومي منشي حسین ابراهیم طاها په ګمبیا کې د دغه سازمان په پنځلسمه سرمشریزه کې وویل چې د افغانستان له سرپرست حکومت سره به د بشردوستانه چلند او رغنده خبرو په چوکاټ کې خپلو اړیکو ته دوام ورکړي.

د بدخشان سیمه ییز چارواکي وايي، د تخار-بدخشان لویه لار د تېرې ورځې د سختو بارانونو او سېلابونو له راوتلو وروسته په ۱۰ ځایونو کې تړل شوې وه، چې د سیمه ییز چارواکو په اقدام سره بېرته پرانیستل شوې ده.

د بلخ ولايت د کتابتونونو رئيس اعلان وکړ، چې تېر کال د مزارشريف له عامه کتابتون څخه څه باندې پنځه زره کسانو ليدنه کړې او وايي، په دغه ولايت کې د کتاب لوستنې د کلتور د ودې په موخه د کتاب لوستلو سياليو او د کتابونو نندارتونونو د جوړولو پلان په لاس کې لري.

د ایران د اطلاعاتو او کلتور وزارت په داسې حال کې چې د ایران په اسلامي جمهوریت کې د چاپ شویو کتابونو د خرڅلاو د بندیز په اړه راپورونه ردوي وايي، د کتابونو د ارزونې کمېسیون هېڅکله هم دا ډول پرېکړه نه ده کړې او د ایراني یا افغاني کتابونو په اړه هېڅکله هم بحث نه دی شوی. 

حجت الاسلام والمسلمین سید عیسی حسینی مزاری او ورسره مل پلاوی د پنجشنبې په ورځ په انټرکانټیننټل هوټل کی د ایران د اسلامی جمهوریت د خارجه وزارت له سفارتی پلاوی سره وکتل او د نظر تبادله یې وکړه. د تبیان مرکز مشر د خپلو خبرو په یوه برخه کې د دولت ټول شموله یوازې د قوم او مذهب پر بنسټ د یوې مطلوبې حکومتولۍ په ټاکلو کې د اجتماعي مشارکت په برخه کې د نه منلو ...

د افغانستان د کانونو او پټرولیم وزارت په ننګرهار ولایت کې د څه باندې ۶۷ میلیونه افغانیو په ارزښت ۱۵۰۰ ټنه سرپانتین (یو ډول قیمتي ډبره) پلورلي دي.

د انرژی او اوبو سرپرست وزیر د کنړ ولایت په کوز ولسوالی کی د ګمبیری د اوبو لګولو او برښنا بند څخه د لیدنی پر مهال وویل چی د دغه بند د جوړولو پروژه د دغه وزارت له لومړیتوبونو څخه ده.

د فلسطین د روغتیا وزارت په غزې تړانګه کښې اعلان وکړ چې د اکتوبر له اوومې نیټې راهسې پر غزې د صهیونیسټ رژیم په تیریو کښې د فلسطینیانو د شهیدانو شمیر ۳۴ زره او ۶۵۴ تنو ته رسیدلی دی.