د هند پولیس وايي، په تېرو څو ورځو کې لږ تر لږه په اتو ایالتونو کې د هندوانو او مسلمانانو تر منځ له نښتو وروسته سلګونه کسان نیول شوي دي. دا شخړې هغه مهال پیل شوې چې هندوان د یوه فرقه ییز جشن په ترڅ کې د موسیقۍ په وسایلو او پارونکو کړنو سره د مسلمانانو سیمو ته ننوتل. ویل کیږي چې د جګړې سیمې ته د بلوا ضد پولیس استول شوي او انټرنیټي خدمات هم پرې شوي دي....

هندي چارواکو اعلان کړی چې په ګجرات ایالت کې د یوه پل د نړېدو له امله د مړو شمېر ۱۳۲ ته رسېدلی دی. ویل کیږي د ژغورنې ډلې د لادرکه شوو کسانو په لټه کې دي او احتمال شته چې د مړو شمیره لوړه شي.