فاریاب ولایت کې سرچینې د دغه ولایت په قیصار ولسوالۍ کې د کولرا ناروغۍ د خپرېدو خبر ورکوي. د دوی په خبره، تر اوسه له ۷۰۰ ډېر کسان په دې ناروغۍ اخته شوي دي.

د تخار د عامې روغتیا ریاست د دغه ولایت په اشکمش او بنګي ولسوالیو کې د کولرا په څېر د نس ناستې د ۳۷۵۷ پېښو د ثبت خبر ورکوي.

د روغتیا نړیوال سازمان په افغانستان کې د کولرا، شدید اسهال، شري او کانګو تبې په ګډون د څو ساري ناروغیو د خپریدو خبرداری ورکړی.

په هېواد کې د کولرا له خپرېدو وروسته ځايي سرچينې تاييدوي چې په سوېل لوېديځو ولايتونو کې تر شپږ زرو ډېر کسان په کولرا اخته شوي دي. دا په داسې حال کې ده چې تېره ورځ د جوزجان ولایت روغتیايي چارواکو له آوا سره په خبرو کې د کولرا له ۷۰۰۰ څخه د زیاتو پېښو خبر ورکړی و. په غزني او دایکندي ولایتونو کې لږ تر لږه زره نور کسان په دې ناروغۍ اخته شوي دي.

د جوزجان ولايت روغتيايي مسئولين وايي، چې په تېرو څلوېښتو ورځو کې د دغه ولايت په درېيو ولسواليو کې څه باندې اووه زره کسان د کولرا په ناروغۍ اخته شوي او ١٢ تنه د دغې ناروغۍ له امله مړه شوي دي.

په ورته وخت کې د کولرا د ناروغانو له زیاتوالي سره د بلخ عامې روغتیا په مزارشریف کې د دغې ناروغۍ د درملنې د ۷۰ بستریز مرکز د جوړېدو اعلان وکړ.

د هلمند روغتیايي چارواکو اعلان کړی، چې د دغه ولایت په سنګین ولسوالۍ کې ۳۲۰ تنه په کولرا اخته شوي دي.

د هلمند ولایت سیمه ییز چارواکي وايي، د دغه ولایت په ګرشک ولسوالۍ کې تر ۵۰ ډېر وګړي په کولرا اخته شوي دي. تر دې مخکې په باغران ولسوالۍ کې ۵۹۰ تنه په دې ناروغۍ اخته شوي وو.

د هلمند او زابل سیمه ییز چارواکي په دغه ولایت کې د کولرا د ناروغانو د زیاتوالي خبر ورکوي.

د هلمند ولایت روغتیايي چارواکي وايي، په تېرو ۲۴ ساعتونو کې د کولرا له امله ۲۰ تنه مړه شوي دي.

د زابل ولایت سرچینې وايي، په دای چوپان ولسوالۍ کې تر اوسه ۹۰۰ کسان په کولرا اخته شوي او شاوخوا ۱۷ تنه مړه شوي دي.

د زابل ولایت سیمه ییزو چارواکو اعلان کړی، چې د دغه ولایت په سیوري ولسوالۍ کې څه باندې ۵۰ ماشومان د کولرا په ناروغۍ اخته شوي دي.

په غزني کې د اسلامي امارت روغتیايي چارواکو تایید کړې، چې په تېرو دوو ورځو کې د دغه ولایت د ګیرو ولسوالۍ ۱۵۰ اوسېدونکي له یوه کاریز څخه د اوبو له څښلو وروسته مسموم شوي دي. د دوی په وینا مسمومیت د کولرا له امله شوی دی.