د سره صلیب نړیوال فدراسیون په افغانستان کې د خوراکي توکو د نه خوندیتوب په اړه د اندېښنې په څرګندولو سره ویلي دي په دغه هیواد کې ۷ میلیونه خلک د قحطۍ سره مخ دي.

ملګري ملتونه وايي، تېر کال د بشري مرستو لېږل په افغانستان کې د قحطۍ مخه نیولې او زیاته کړې یې ده چې که په دغه هېواد کې اړو کسانو ته بشري مرستې ونه رسېږي، نو افغانستان به له یوه ناوړه وضعیت سره مخ شي.

ملګري ملتونه وايي، د ژمي د موسم تر پایه به په ټول افغانستان کې پر څه باندې ۱۵ میلیونه تنو ته خوراکي توکي وویشي.

تېره شپه (سنبلي ۳۰) د فرانسې ولسمشر په نیویارک کې د ملګرو ملتونو د عمومي غونډې په څنډه کې د خپلې وینا پر مهال د نړیوالې ټولنې پر اړتیا ټینګار وکړ چې په افغانستان کې قحطۍ ته پاملرنه وکړي.