د اسلامي امارت د صنایعو او سوداګرۍ وزارت اعلان کړی چې دوې ادارې به د «خصوصي سکتور له خوا د افغان کورنیو د اقتصادي پیاوړتیا پروګرام» تر عنوان لاندې د څه باندې یو نیم میلیون ډالرو په ارزښت ګډه پروژه په کابل کې له وزارت سره په همغږۍ پلي کړي. د ننګرهار او بامیان ولایتونه.

د رئیس الوزرا د دفتر اداري مرستیال عبدالسلام حنفي د یونیسف له استازي سره په کتنه کې وویل چې اسلامي امارت د پولیو د له منځه وړلو په برخه کې له هیڅ راز همکارۍ او هڅو څخه دریغ نه کوي او له نړیوالو بنسټونو یې وغوښتل چې د پولیو د له منځه وړلو په برخه کې جدي پاملرنه وکړي.

د کابل والي شیخ محمد قاسم خالد د «UNDP» موسسې له رئیس سره په کتنه کې وویل چې د کابل ښاریانو اوسنۍ جدي ستونزه د څښاک د اوبو کمښت دی او باید مرستندویه ادارې په دې برخه کې همکاري وکړي.