د افغانستان د اورګاډي پټلۍ رئيس ملا بخت الرحمن شرافت چې په يوه سوداګريز سفر ايران ته تللى، د ايران په مشهد ښار كې د ايران د خراسان رضوي له والي سردار نظري سره وليدل او دواړو لورو د دغه سفر په لا پراختيا ټينګار وكړ.

د هېواد د اوسپنې پټلۍ ادارې چارواکي د خپل کلني راپور په خپرولو سره وايي، تېر کال د هرات، اقینې او تورغونډۍ له بندرونو ټولټال ۴ میلیونه ۶۷۳ زره ۹۲۹ مټریک ټنه مالونه لېږدول شوي چې د تېر کال په پرتله ۳۶ سلنه زیاتوالی ښيي. دوی زیاتوي، په ټول هېواد کې د مالونو د لېږد بهیر د مدیریت له لارې ۳ میلیارده ۱۸۸ میلیونه ۸۰۰ زره ۱۳۲ افغانۍ عواید راټول شوي دي.