د سمنګان د ولايتي روغتون رييس په دغه ولايت کې د موسمي ناروغيو د زياتوالي خبر ورکوي او وايي، چې تر ډېره ماشومان په سينه بغل او زکام اخته کېږي او د ناروغانو لپاره د ځاى له کمښت سره مخ دي.

د بلخ ولايت د عامې روغتيا رييس وايي، چې د دغه ولايت اوسېدونکي سل په سلو کې روغتيايي خدمتونو ته لاسرسی لري. نوموړی زیاتوي چې په هېواد کې د اسلامي امارت له واکمنۍ وروسته یوازې په بلخ ولایت کې ۴۵ روغتیايي کلینیکونه جوړ شوي دي.