د ماشومانو د ساتنې نړیوال سازمان د افغانستان په شمالي ولایتونو کې د ملخانو د پراخ برید په اړه خبرداری ورکړی او ویلي یې دي چې ملخان د ۴۸۰ میلیونو ډالرو په لګښت ۱،۲ میلیونه ټنه غنم، چې د دغه هېواد د کلني حاصلاتو نږدې څلورمه برخه ده، له منځه وړي.

د چاپېریال ساتنې د نړیوالې ورځې په مناسبت د فاریاب د چاپېریال ساتنې ریاست چارواکي وايي چې د دغه ولایت په څلورو ولسوالیو کې د اوبو ستونزه نه ده هواره شوې او د دغو ولسوالیو ۹۵ سلنه اوسېدونکي لا هم اوبو ته لاسرسی نه لري.

د افغانستان د سوداګرۍ او صنایعو خونه، سوداګر او پانګوال وايي، له کومې ورځې راهیسې چې په ځینو شمالي ولایتونو کې مظاهرې او اعتراضونه پیل شوي، سوداګرو ته یې د لکونو ډالرو زیان رسولی دی.