د زعفرانو د ګلانو اتم جشنواره او د محلي خوراکي توکو جشن د پنجشنبه په ورځ (د عقرب ۲۵مه) د هرات د کرنې او مالدارۍ په ریاست کې جوړ شو. د هرات د کرنې ریاست چارواکي وايي، سږ کال په هرات ولایت کې د زعفرانو حاصلات زیات شوي دي.

د افغانستان د صنایعو او سوداګرۍ وزارت چارواکي وايي، تېر کال د ۲۲ میلیونو ډالرو په ارزښت ۶۹ ټنه زعفران بهر ته صادر شوي وو.

په داسې حال کې چې د زعفرانو د حاصل فصل په نېږدې کېدو دی، د بلخ د کرنې او اوبو لګولو ریاست چارواکي وايي چې سږ کال په دغه ولایت کې د زعفرانو ۳۰۰ کیلو ګرامه حاصلات راټول شي چې د تېر کال په پرتله ۲۰ سلنه زیاتوالی ښيي.

د هرات د سوداګرۍ او صنایعو خونې مرستیال سید مسعود سادات وايي، د لومړي ځل لپاره د اسلام قلعه له بندر څخه ۱۲ ټنه جلغوزي جرمني ته صادرېږي.

د کرهڼې وزارت مسولین وایي، ترکیه سږ کال د اسپانیا د زعفرانو پر ځای د افغانستان زعفران پیري.

د هرات ولایت د زعفرانو د ټولنې استازي، زعفرانو ته د بازارموندنې په موخه ترکیې ته تللي دي د هرات د زعفرانو د ټولنې رئیس بشیر احمد رشیدي رسنیو ته ویلي چې د دې سفر پر مهال د ترکیې دولت ژمنه ورسره کړې چې، له دې وروسته به د اسپانیا هیواد د زعفرانو پر ځای د افغانستان زعفران وپیري.

افغانستان د کرنې او مالدارۍ وزارت وايي چې سږ کال د افغانستان زعفران د کیفیت په لحاظ په نړیوال فسټیوال کې څلورم پرله‎پسې لومړی مقام خپل کړ.