په داسې حال کې چې د ملګرو ملتونو د عمومي اسامبلې غونډه روانه ده، په کابل کې د چین نوي سفیر د یوناما له مشر او د ملګرو ملتونو د سرمنشي له ځانګړي استازي سره د افغانستان د وضعیت په اړه د نظر تبادله کړې ده.

په افغانستان کې د چین سفیر وانګ یو په دغه مقام کې د خپل ماموریت پای اعلان کړ.

د اسلامي امارت د بهرنیو چارو وزارت ویاند اعلان کړی، چې د دغه وزارت سرپرست امیرخان متقی په کابل کې د چین له سفیر وانګ یو سره وکتل او دواړو لورو د سیاسي او اقتصادي اړیکو پر پراختیا ټینګار وکړ.

په افغانستان کې د چین سفیر د یو ټویټ په خپرولو سره په افغانستان کې د خپل هېواد د نفوذ د پراخېدو خبر دروغ بللی او ویلي یې دي، هر هغه آوازې چې د چین او افغانستان دوستي کمزورې کوي، بریالۍ به نه شي.

په کابل کې د چین سفیر په دې خبرې سره چې په افغانستان کې اقتصادي ستونزې د امریکا د غیر مسئولانه مداخلې له امله رامنځته شوي، ویلي چې امریکا د هغه هېواد د بهرنیو اسعارو زیرمې بندې کړې چې د خپلې ورځنۍ ډوډۍ د پېرلو لپاره پیسې نه لري خو د اوکراین سره ۴۳ میلیارده ډالره مرسته کړي.