د پوهنې د نړیوالې ورځې په مناسبت د اسلامي امارت د پوهنې وزارت له نړیوالې ټولنې وغوښتل چې افغانستان د پوهنې په برخه کې یوازې پرې نه ږدي او دغه وزارت هڅه کوي چې خلکو ته با کیفیته ښوونیز او روزنیز خدمات وړاندې کړي.

د ملګرو ملتونو سرمنشي د پوهنې د نړیوالې ورځې په مناسبت په یوه پیغام کې له اسلامي امارت غوښتي چې په افغانستان کې ښوونځیو او پوهنتونونو ته د ښځو د ورتګ د بندیز پرېکړه بېرته واخلي.