ملا همایون حقاني د بامیان ولایت د پاسپورت د نوي کمېشنر په توګه معرفي شو او رسماً یې خپله دنده پیل کړه.

د پاسپورتونو د عمومي ریاست چارواکي د راتلونکې اوونۍ د کب له ۱۰مې په هېواد کې د پاسپورټونو د وېش بهیر د پیلېدو خبر ورکوي او وايي چې دغه اداره په دې برخه کې هم له اداري فساد سره په مبارزه کې جدي ده.

د اسلامي امارت ویاند وايي، چې تر اوسه د پاسپورتونو د عمومي ریاست ۳۰۰ کارکوونکي د فساد په تور نیول شوي، خو د پاسپورټونو د ویش د ځنډیدو لامل تخنیکي ستونزې دي.

د هغو راپورونو له خپرېدو وروسته چې د پاسپورټونو د وېش بهیر به ډېر ژر پیل شي، د پاسپورتونو د عمومي ریاست ویاند دغه خبرونه ناسم او بې بنسټه وبلل او ویې ویل، چې تر اوسه د دغه ریاست تخنیکي ستونزې په بشپړه توګه نه دي حل شوې.

د پاسپورت رياست چارواکي وايي، د دې رياست تخنيکي ټيمونه هڅه کوي، څو ستونزې هوارې کړي او د پاسپورټونو د وېش بهير به تر هغه وخته پورې ودرول شي، چې يادې ستونزې حل شوې نه وي.

د اسلامي امارت د کورنیو چارو وزارت د پاسپورت ریاست د نوي رئیس په توګه مولوي عبدالکریم حسیب وټاکه.