د اسلامي امارت د اطلاعاتو او کلتور وزارت سرپرست ملا خیرالله خیرخواه پروان ته د سفر پر مهال وویل چې د سیاحت صنعت د هیوادونو په اقتصادي وده او پرمختګ کې خورا مهم او ارزښتناک رول لري. هغه زياته کړه چې د سياحت په برخه کې بايد د سيمې ځايي او مستند کلتور او تاريخي اثار وساتل شي.

په ورته وخت کې چې د سیاحت نړیواله ورځ په نېږدې کېدو ده، د اسلامي امارت چارواکو په هېواد کې رامنځته شوي امنیت ته په اشارې سره، د دې پدیدې پر اهمیت او د سیاحتانو پر جلب او د هېواد پر اقتصاد یې د اغېزې په اړه ټینګار کړی دی.