په بامیان کې د اسلامي امارت سرپرست مولوي عبدالله سرحدي د رسنیو له یو شمیر استازو سره په کتنه کې وویل، د بامیانو سیمه ییزه اداره به د هغو کره معلوماتو ملاتړ کوي چې د سیمې او نړۍ لپاره د اسلامي امارت ریښتیني انځور څرګند کړي.

د بامیان ولایت یو شمېر سیمه ییز خبریالان وايي، په تېرو نهو میاشتو کې په هېواد کې د تغیراتو وروسته په دغه ولایت کې یو شمېر سیمه ییزو رسنیو فعالیت بند کړی او یو شمېر خبریالانو خپلې دندې له لاسه ورکړي دي.