د اسلامي امارت ویاند د اسد د ۲۸مې له انګریزي استعمار څخه د هیواد د خپلواکۍ د بیرته ترلاسه کولو د کلیزې په مناسبت په یوه خبرپاڼه کې ویلي، چې د انګریزي استعمار د ماتې، سور پوځ او همدارنګه د امریکايي او ناټو ځواکونو ماتې وښوده چې افغانستان یو نه ماتیدونکی هیواد دی.

د کار او ټولنیزو چارو وزارت د شنبې په ورځ د اسد ۲۸ د افغانستان د خپلواکۍ د بېرته اخیستو د کلیزې په مناسبت عمومي رخصتي اعلان کړه.