د کار د نړیوال سازمان استازی وايي، په ۲۰۲۱ کال کې د ترسره شویو څېړنو له مخې په افغانستان کې تر یو میلیون ډېر ماشومان کارګران دي او د دې لوی لامل د کورنیو بې وزلي او اقتصادي کمزورتیا ده.

د اسلامي امارت ویاند ذبیح الله مجاهد په یوه ټویټري پیغام کې لیکلي چې د کانونو او پټرولیم وزارت له ۵/۳/۱۴۰۱ څخه تر ۱۱/۳/۱۴۰۱ هجري لمریز کال پورې څلور سوه اته څلویښت میلیونه شپږ سوه پنځه پنځوس زره اته سوه نهه اویا افغانۍ عواید راټول شوي دي. د مجاهد دغه پیغام د خلکو غبرګونونه راپارولي او دوی د مالیاتو راټولول د ستونزو د حل اساسي حل نه ګڼي.