د فارياب صرافان د جواز د بیی له لوړوالي څخه شکايت کوي

افغان غږ خبری آژانس - مزارشریف: په فاریاب کي د افغانستان بانک رئیس ابو احسان ابونقي افغان غږ خبری آژانس ته وویل: د افغانستان د مرکزي بانک د حکم له مخې، د فاریاب هیڅ صراف د جواز له اخیستو پرته د فعالیت اجازه نه لري.
 
هغه زياته کړه چې د ميمنې صرافي له اجازې پرته تړل شوي او بايد قانوني اجازه ترلاسه کړي.
 
خو د ميمنې ښار د صرافان وايي، د جواز او تضمين د پيسو په اړه د مرکزي بانک شرطونه د صرافانو په حق کې خپل سري دي او ډېرى صرافان نه شي کولى چې د تضمين پيسې ورکړي.
 
د دوی په خبره، د مرکزي بانک د مقرراتو له مخې، په لرو پرتو ولایتونو کې د تبادلې دفترونه باید د یو میلیون او ۵۰۰ زره افغانیو تضمین ورکړي او شپږ کارکوونکي وګماري.
 
د صرافانو سوداګر وايي، چې پخوا به هر صراف شاوخوا ۸۰ زره افغانۍ د تضمين په توګه او لس زره افغانۍ د ماليې په توګه ورکولې. خو د اسلامي امارت حکومت له ۸۰ زره افغانیو ۱۵۰۰۰۰ ته او د مالیې اندازه له ۱۰۰۰۰ څخه ۲۰۰ زرو ته لوړه کړې ده.
 
دوی زياته کړه، چې تېره پنجشنبه (د سرطان ۳۰مه) يې احتجاجي ناسته کړې، خو تر اوسه يې غوښتنې نه دي منل شوي.
 
دا په داسې حال کې ده، چې تر اوسه په ميمنه ښار کې د تبادلې ٣٠ دفترونه د فارياب د افغانستان بانک د جواز نه لرلو له امله تړل شوي دي.