د سمنګان ولایت د کډوالو او راستنیدونکو چارو ریاست چارواکي وايي، له دغه هېواده د افغان کډوالو د ایستلو لپاره د پاکستان د حکومت له «غیر اخلاقي» اقدام وروسته؛ تر اوسه شاوخوا ۵۰ کورنۍ سمنګان ولایت ته راستنې شوې دي.

د اسلامي امارت د دفاع وزارت وايي، چې د ۲۰۱ خالد بن ولید قول اردو د روغتیا څانګې کارکوونکو په تېرو ۲۴ ساعتونو کې د تورخم په پوله کې له پاکستان څخه ایستل شوي ۱۹۱۵ ناروغه کډوال معاینه او درملنه یې کړې ده.

په کابل کې د چین سفیر ژاو شینګ د اسلامي امارت د بهرنیو چارو له سرپرست وزیر امیرخان موتګي سره په کتنه کې له پاکستان څخه د افغان مهاجرینو اخراج ته په اشارې سره وویل چې د افغانستان او پاکستان حکومتونه کولای شي دا ستونزه په ښه توګه حل کړي.