د پروان ولایت سیمه ییز چارواکي وايي، په دغه ولایت کې د ترافيکي پېښې له امله ۱۹ تنه ژوبل شوي دی.
دخپریدو نیټه :يکشنبه ۷ اسد ۱۴۰۳ ساعت ۱۰:۵۴
د مطلب کود : 294259
افغان غږ خبری آژانس: د پروان سيمه ييز چارواکي وايي چې د دغه ولايت د جبل سراج ولسوالۍ د اشبه پل په سيمه کې ترافيکي پېښه شوې ده.
د پروان ولایت د امنیه قومندانۍ ویاند فضل الرحیم مسکین یار کلید ته وویل، پېښه هغه مهال رامنځ ته شوه، چې یو فلانکوچ موټر د پروان ولایت له شینوارو ولسوالۍ څخه د چاریکارو ښار ته روان و، چې له امله یې د عامو خلکو پر موټر چپه شوی دی.
هغه زياته کړه، چې په دې پېښه کې د ښځو او ماشومانو په ګډون ١٩ تنه ټپيان شوي دي.
په خبرپاڼه کې راغلي، چې ټپيان د ځايي اوسېدونکو او ځايي چارواکو په همکارۍ د چاريکارو ښار د پروان ملکي روغتون ته لېږدول شوي دي.
چارواکي د پېښې لامل د موټر چلوونکي بې احتیاطي او تخنیکي ستونزې بولي.
avapress.com/vdcgnt9xyak9yx4.1gra.html
ډیری لیدل شوي
