د کار او ټولنیزو چارو وزارت اعلان کړی، چې د دغه وزارت سرپرست د قطر د سوداګرۍ خونې له لومړي مرستیال سره په کتنه کې د دغه هېواد له سوداګرو وغوښتل، چې د کرنې، صنعت او تولید په برخو کې پانګونه وکړي.
دخپریدو نیټه :دوشنبه ۱۴ جوزا ۱۴۰۳ ساعت ۱۲:۰۶
د مطلب کود : 291436
افغان غږ خبری آژانس - کابل: د کار او ټولنیزو چارو وزارت مطبوعاتي دفتر د یوې خبرپاڼې په خپرولو سره ویلي چې قطر ته د خپل سفر په ترڅ کې د دغه وزارت سرپرست ملا عبدالمنان عمري او په دوحه کې د اسلامي امارت له سفیر ډاکټر محمد نعیم د دغه هېواد د سوداګرۍ خونې لومړی مرستیال محمد بن احمد الطوار الکواری سره کتلي.
د کار او ټولنیزو چارو وزارت وايي، په دې کتنه کې دواړو لورو په سوداګریزو او اقتصادي برخو کې د دوه اړخیزو اړیکو پر پراختیا خبرې وکړې.
په دې کتنه کې د کار او ټولنیزو چارو سرپرست وزیر هم له قطري سوداګرو وغوښتل چې له شته فرصتونو څخه په استفادې په افغانستان کې د کرنې، صنعت، تولید او زیربنایي برخو کې پانګونه وکړي.
avapress.com/vdcae6nui49noy1.hxk4.html
ټګونه
ډیری لیدل شوي
