د اسلامي امارت ویاند ذبیح الله مجاهد وايي، د قوش تپې کانال د ساتنې او د هغو کسانو د ساتنې په موخه یې ځانګړې قطعه جوړه کړې، چې په تجهیزاتو یې په کار بوخت دي.
دخپریدو نیټه :شنبه ۲۷ عقرب ۱۴۰۲ ساعت ۱۲:۱۰
د مطلب کود : 280569
افغان غږ خبری آژانس - مزارشریف : د افغانستان د اسلامي امارت ویاند ذبیح الله مجاهد د افغان غږ خبری آژانس خبریال د قوش تپې کانال د ساتنې په موخه د پوځي قطعې د جوړولو په اړه وویل: د قوش تپې کانال له دې امله چې ډېر لوی دی. د ملي پروژې د ساتنې په موخه د اسلامي امارت حکومت ځانګړې نظامي قطعه جوړه کړې ده.
هغه زياته کړه، چې د قوش تپې د کانال په پروژه کې له سلګونو موټرو او وسايلو سره زرګونه کسان په کار بوخت دي، له همدې امله اړينه ده، چې د ساتنې ځانګړې قطعه جوړه شي.
مجاهد زیاته کړه: لوی ملي شرکتونه له خپلو کارکوونکو، کارګرانو او وسایطو سره هره ورځ د قوش تپې کانال د کار په پرمخ بیولو بوخت دي او د قوش تېګپې کانال د کار د ساتنې اړتیا د یوې ځانګړې نظامي قطعې له خوا احساس شوه او په دې برخه کې عملي اقدام شوی دی.»
د یادولو وړ ده چې په دې وروستیو کې د قوش تپې کانال لومړی فاز د اسلامي امارت د لوړ پوړو چارواکو په حضور کې پرانیستل شو او د دغه کانال د دویم فاز کار په رسمي ډول پیل شو.
د قوش تپې کانال په افغانستان کې د اوبو تر ټولو ستره پروژه ګڼل کېږي او د اسلامي امارت د چارواکو په وینا حکومت د دغه کانال په بشپړولو کې جدي دی.
avapress.net/vdcfvxd01w6dcta.,ziw.html
ټګونه
ډیری لیدل شوي
