هند: په نوي ډیلي کې د افغانستان سفارت خپل کار ته دوام ورکوي

افغان غږ خبری آژانس - کابل: د هند د بهرنیو چارو وزارت ویاند اریندام باغچي رسنیو ته ویلي چې په ډیلي کې له افغان دیپلوماتانو او په ممبۍ او حیدراباد کې له افغان کونسلګریو سره په تماس کې دی.

 

د سپوتنیک د راپور له مخې، د هند د بهرنیو چارو وزارت ویاند زیاته کړه چې دغه وزارت تېره اوونۍ یو یاداښت ترلاسه کړی چې د افغانستان سفارت غواړي خپل فعالیتونه ودروي.

 

ښاغلي باغي زیاته کړه چې هېواد به یې د افغانستان له خلکو سره د مرستې لپاره خپلو هڅو ته دوام ورکړي.

 

دا په داسې حال کې ده، چې تر دې مخکې په نوي ډيلي کې د افغانستان سفارت په يوه خبرپاڼه کې ويلي وو، چې د روان کال د اکتوبر له لومړۍ نېټې به د دغه سفارت فعاليت بند شي.

 

په نوي ډهلي کې د افغانستان سفیر هم د شنبې په ورځ په ایکس شبکه کې یو بیان خپور کړ او ویې ویل چې سفارت د هند د حکومت ملاتړ نه دی ترلاسه کړی، په ځانګړې توګه د سفارت د ډیپلوماټانو ویزې په خپل وخت نه دي تمدید شوي او د په هند کې د دې هیواد اتباعو ته د ډیپلوماتیکو خدماتو نشتوالی، د کارمندانو په شمیر کې کمښت او د ورځنیو چارو د ترسره کولو لپاره د منابعو نشتوالی د هغه فعالیت بندوي.

 

په اعلامیه کې راغلي چې د دې ادارې ټول فعالیتونه به د افغانستان اتباعو ته د عاجلو قونسلګرۍ له خدمتونو پرته، تر هغه وخته پورې ودرول شي چې سفارت کوربه هېواد ته نه وي سپارل شوی.