طالبانو په کندهار کې له ۲۰ ډېر سرحدي پولیس وژلي

یوې سرچینې، چې نه غوښتل نوم یې یاد شي آریانا نیوز ته ویلي، چې دغه برید تېره شپه د سرحدي پولیسو پر یوه مرکز تر سره شوی دی.
سرچینې زیاته کړې، چې د دغه مرکز یو شمېر سرتېري هم تریتم دي.
امنیتي چارواکو تر دې دمه د دغې پېښې په اړه څه ندي ویلي.
دغه راز د ناڅرګندو وسلوالو لخوا د شنبې پر سهار( د سلواغې ۲۷) د دغه ولایت په ډنډ ولسوالۍ کې د سرحدونو، اقوامو او قبایلو د وزیر ګل آغا شېرزي د پلرنۍ ادیرې د ساتونکیو قومندان وژل شوی دی.
د کندهار والي ویاند عزیز احمد عزیزي ویلي، چې په دې برید کې قومندان داوود د ناڅرګندو وسلوالو پر ډزو وژل شوی او دریور یې ټپي دی.
وسلوالو طالبانو تر دې دمه د دواړو پېښو په اړه څه ندي ویلي.