د غزني ښاريان وايي، په بازار کې د زړو پيسو له ستونزو سره مخ دي او هټيوال د پېرلو پر مهال دا پيسې په اسانۍ نه مني.

د مرکزي بانک وياند وايي، چې د نويو پيسو د داخلېدو په وخت کې له بازارونو څخه زړې پيسې هم راټولېږي، ځکه په بازارونو کې د پيسو مديريت د مرکزي بانک يوه له مهمو دندو څخه ده.

د اقتصادي چارو کارپوهان وايي چې د هېواد په بازارونو کې د افغاني بانکنوټونو فزيکي استعمال او د چاپ پر مهال د بې کيفيته موادو کارول د دې لامل شوي چې دغه پيسې ژر له منځه ولاړې شي او په سوداګرۍ کې د جنجال لامل شي.