د بایډن ماموریت: د اسرائیلو کنټرول یا ایران ته ګواښ؟

سید ابراهیم رئیسي یو ساعت وروسته له هغه چې د امریکا او صهیونیسټي رژیم د مشرانو له خوا د ایران و اټومي وسلو ته د لاس رسي د مخنیوي ژمنه وکړه؛ د ایران د اسلامی جمهوریت ولسمشر په سیمه کښې د امریکې او د هغې متحدینو ته په خطاب کښې وویل: په دغه سیمه کښې هر ډول تېروتنه به له سخت او د افسوس وړ ځواب سره مخامخ شی.
 
جوبایډن ژمنه وکړه چې د هغه هیواد به د اټومي وسلو د پراختیا څخه د ایران د مخنیوي لپاره "په خپل ځواک کې هرڅه" وکاروي.
 
دا ژمنه په رسمي ډول د "د امریکا او اسرائیل د ستراتیژیکو همکاریو د ګډې اعلامیې" په نوم په سند کې چې د پنجشنبې په ورځ د دواړو لورو د مشرانو له خوا لاسلیک شوه، په ډاګه شوې ده.
 
جوبایډن دا هم وویل چې هیواد یې د "وروستي حل" په توګه د نظامي ځواک کارولو ته چمتو دی ترڅو د ایران اټومي وسلو ترلاسه کولو مخه ونیسي.
 
سید ابراهیم رئیسی دغو څرګندونو ته په غبرګون کښې وویل: زه امریکې او په سیمه کښې د هغوی متحدینو ته وایم چې د ایران ستر ملت په سیمه کښې هیڅ ډول ناامنی او بحران نه منی.
 
د جوبایډن څرګندونو او کړنو ته په پام سره او همدارنګه د ایران د اسلامي جمهوریت د ولسمشر توند غبرګون ته په پام سره، مهمه پوښتنه دا ده چې آیا منځني ختیځ ته د بایډن د اوسني سفر په ترڅ کې د بایډن اصلي مقصد څه ده؟ د خطرناکو اورونو کنټرول: آیا د اسراییل رژیم په سیمه کې د یوې نوې او وحشتناکې جګړې د مخنیوي لپاره یا په تهران باندې د فشار د زیاتولو لپاره او د JCPOA د بیا احیا کولو لپاره د امریکا لخوا غوښتل شوي شرایط ومني؟
 
یو شمیر کارپوهان په دې باور دي چې د بیت المقدس د تړون لاسلیک چې د امریکا ژمنه ده چې د ایران په وړاندې د اسراییلو د ملاتړ ژمنه کوي ترڅو د ایران د اټومي وسلو د ترلاسه کولو مخه ونیسي، دا هڅه ده چې د دې ټکنالوجۍ د ترلاسه کولو په وړاندې د ایران لاره بنده کړي.
 
د کارپوهانو په وینا، امریکا په دې ښه پوهیږی چې ایران به هیڅکله د ډله ایزو ورانکارو وسلو د ترلاسه کولو په لټه کښې نه ده او دا هغه څه دی چې یوازې د اسلامی جمهوریت په پوځی پروګرام کښې شامل نه دی، برعکس په دې اړه فقهي فتوا صادره شوې ده او د شرعي له نظره حرام بلل شوې ده.
 
له همدې امله، واشنګټن هیڅکله د ایران د اټومي وسلو د ترلاسه کولو او ډله ایز وژنې په اړه اندیښنه نلري. بلکې له دې لارې د نورو اهدافو په لټه کې دی چې یو مهم یې په اسلامي جمهوریت باندې د خپل تسلط  مسئله ده. خو که دا هدف ترلاسه نه شي، د ایران د اتومي پروګرام تر پلمې لاندې غواړي چې د عربانو پواسطه اسراییل پیاوړي کړي.
 
که دا انګیرنه سمه وي، بایډن مخکې له دې چې د ایران اټومي وسلو ترلاسه کولو په اړه اندیښمن وي، په سیمه کې د اسرائیلي رژیم د جنایي وژنو او تخریبي عملیاتو د ناوړه پایلو په اړه اندیښمن دی. امريکا پوهيږي چې که همدا اوس د اسرائيلو مخه ونه نيسي سبا به ډير ناوخته وي . ځکه چې د اسرائیلو او ایران ترمنځ غیر مستقیمه جګړه جدي او عملیاتي پړاو ته داخله شوې ده. خو دا اوس هم تر کنټرول لاندې ده او په معقولو پرېکړو سره د خپرېدو او شدت مخه نیول کېدای شي.
 
په همدې خاطر، د بیت المقدس د تړون په لاسلیکولو سره، بایډن له یوې خوا اسرائیل ته ډاډ ورکوي چې په خپل ټول توان به یې ملاتړ کوي او اجازه به ورنکړي چې ایران اتومي وسلو ته لاس رسی ولري او له بلې خوا دا تضمین ترلاسه کوي چې؛ امریکا د ایران د نیولو مسؤلیت لري، له همدې امله د ایران په وړاندې د اسرائیلو یو اړخیز اقدامات باید ودرول شي، که نه نو دا به د یو ناغوښتل شوي ناورین لامل شي چې په منځني ختیځ کې به امریکا او متحدین یې په یوه لیوني او ویجاړونکې جګړه کې ښکیل کړي. همدا خبره د بیت المقدس د تړون په غبرګون کې د سید ابراهیم رئیسي په ښکاره او جدي اخطار کې هم په ډاګه شوه.
 
له بلې خوا د کتونکو یوه ډله په دې باور دي چې واشنګټن غواړي سیمې ته د بایډن د سفر پر مهال پر تهران فشارونه زیات کړي څو ایراني چارواکي اړ شي چې هماغه تړون ته غاړه کیږدي چې امریکا یې غواړي. له اسرائیلو سره د تړون لاسلیکول، د اسرائیلو او عربو ترمنځ د اړیکو د عادي کولو هڅه، په منځني ختیځ کې د ایران پر وړاندې د ګډ هوايي دفاعي ډال د جوړولو احتمالي اقدامات، چې یو یې د اسرائیلو له پلانونو څخه دي او نور مسایل د امریکا د فشارونو یوه برخه ده.
 
په هرصورت، لکه څنګه چې د سید ابراهیم رئیسي په غبرګون کې؛ د ایران ولسمشر همداراز څرګنده کړه: د ایران پرضد هر ډول اقدام، نه امریکا او اسرائیل؛ بلکې د دوی متحدین به هم د اسلامي جمهوریت له مشروع غبرګون سره په نښه شي او دا هغه څه دي چې پخوا هم تجربه شوي او داسې نه ښکاري چې امریکا او د اسرائیلو په ګډون یې متحدین دې بیا هڅه وکړي.