په جوزجان ولایت کې د غالۍ اوبدلو او پروسس د مرکز د جوړولو کار پیل شو

افغان غږ خبری آژانس - مزار شریف: د مهاجرینو او راستنیدونکو چارو وزارت مرستیال مولوی عبدالرحمن راشد وایی، د اسلامی امارت حکومت خپلو هیوادوالو ته د کارموندنې په برخه کې ژمن او کلک هوډ لری. له همدې امله د جوزجان ولایت د آقچې ولسوالۍ په نور اباد کلي کې د غالۍ اوبدلو او پروسس مرکز پرانیستل شو.

د دغه مرکز د جوړولو مسوول ذبیح الله اڅکزی وايي: د غالۍ اوبدلو او پروسس مرکز د ملګرو ملتونو د کډوالو د عالي کمېشنرۍ له خوا د ۱۶ میلیونه او ۲۷۲ زره افغانیو په لګښت جوړېږي او د دغه مرکز چارې به وروسته له هغه بشپړې شي. 

نوموړي څرګنده کړه، چې د دغه مرکز په جوړېدو کې ۱۵۵ متره احاطه دېوال، دوه د ننوتو او وتلو دروازې، د غالۍ اوبدلو دوه مرکزونه، د کارګرانو د بدلولو خدمتونه، د غالۍ اوبدلو جلا خدمتونه، د غالۍ ذخیره، د غالۍ اوبدلو وسایل او د هغې پروسس شامل دي.

له بلې خوا د جوزجان والي قاري ګل حیدر شفق وايي چې ولس د اسلامي پوځ لپاره قربانۍ ورکړي او د اوسني نظام چارواکي ژمن دي او د خلکو د اقتصادي وضعیت د ښه والي لپاره جدي کار کوي.

په همدې حال کې د آقچې ولسوالۍ يو شمېر اوسېدونکو د دغه مرکز له جوړېدو خوښي څرګنده کړه او ويې ويل: دغه اقدام په دې ولسوالۍ کې د غاليو د ملاتړ او ودې په برخه کې اغېزمن دى او موږ يې هرکلى کوو.

د چارواکو په وینا د دغه مرکز په جوړېدو سره به ۵۰۰ کسانو ته د کار زمینه برابره شي.

د يادونې وړ ده، چې اګاه ولسوالۍ په هېواد کې د خټکيو او غاليو په توليد مشهوره ده، چې شاوخوا ٨٠ سلنه اوسېدونکي يې نارينه او ښځينه دواړه په غالۍ اوبدلو بوخت دي.