د سوداګرۍ او صنایعو وزارت اعلان وکړ، چې د کندهار ولایت یو شمېر صنعتکارانو خپلې ستونزې او ننګونې د دغه وزارت له مشرتابه سره شریکې کړې او د دوی د ستونزو د هواري غوښتنه یې وکړه.
دخپریدو نیټه :چهارشنبه ۳۱ اسد ۱۴۰۳ ساعت ۱۳:۱۷
د مطلب کود : 295665
افغان غږ خبری آژانس: د اسلامی امارت د صنایعو او سوداګرۍ وزارت مطبوعاتي دفتر په یوه بیان کې ویلي، چې د دغه وزارت سرپرست نورالدین عزیزي د کندهار ولایت له یو شمیر صنعتکارانو سره وکتل.
په دې ناسته کې د کندهار ولایت صنعتکارانو خپلې ستونزې او ننګونې د وزارت له مشرتابه سره شریکې کړې او غوښتنه یې وکړه چې د دوی ستونزو ته رسیدګي وشي.
له بلې خوا نورالدين عزيزي د هغوى ستونزې واوريدې او ويې ويل: خپلې ستونزې مو په ليکلي ډول شريکې کړئ، تر څو ستاسو ستونزې له اړوندو ادارو سره حل شي.
د يادونې وړ ده، چې تر دې وړاندې هم يو شمېر صنعتکارانو له دولت څخه د وړيا ځمکې غوښتنه کړې وه.
avapress.com/vdciqwarwt1a3q2.k6ct.html
ډیری لیدل شوي
