په کابل کې د ایران د سفارت سرپرست وویل چې د اربعین حسیني د ویزو په ورکولو کې د سفارت د پخوانیو شرطونو په لغوه کولو سره به له نن څخه هغو افغان حاجیانو ته چې د عراق ویزې یې اخیستې وي، ویزې ورکړل شي. د حج شرکتونه چې بسونه نلري کولی شي ایران ته له 17 صفر څخه ننوځي.
دخپریدو نیټه :جمعه ۲۶ اسد ۱۴۰۳ ساعت ۱۴:۵۲
د مطلب کود : 295383
افغان غږ خبری آژانس - کابل: د شیعه علماوو د سرتاسري شورا یوه پلاوي او د زیارت کوونکو شرکتونو استازو د جمعې په ورځ (اسد ۲۶) په کابل کې د ایران د سفارت له ځانګړي استازي او سرپرست سره د افغان زیارت کوونکو د ستونزو د حل په موخه وکتل.
د تمدن ټلویزیون د راپور له مخې، په کابل کې د ایران د سفارت سرپرست حسن کاظمي قمي د افغانستان د علماوو د شورا له غړو سره تر کتنې وروسته وویل چې په افغانستان کې د ایران د اسلامي جمهوریت سفارت او نور استازي به افغان زیارت کوونکي ته ویزې ورکوي.
قمي وویل، تېر کال ایران ۳۰ زره افغان زیارت کوونکي ته د دوه ګوني داخلې ویزې ورکړې او پلان لري چې سږ کال دغه شمېر دوه برابره کړي.
په کابل کې د ایران سفارت سرپرست وویل: هغه شرکتونه چې زیارت کوونکي په افغان ټرانسپورټ کې لېږدولی شي، باید حاجیان ولېږدوي، خو هغه شرکتونه چې له ټرانسپورټي ستونزو سره مخ دي، کولای شي چې د د صفر د مياشتي د ١٧مې ورورسته له اسلام قلعه بندر څخه د ایراني ترانسپورت له لارې زیارت کوونکي ولېږدوي.
له دې مخکې د ایران د اسلامی جمهوریت د اربعین حسینی د مرکزی دفتر سکرتر سردار سید مجید میراحمدی هم د افغان زیارت کوونکو د مشکلاتو د هوارولو او د ایران د سفارتونو له خوا د لګول شویو بندیزونو د لیرې کولو په تعقیب د دغو بندیزونو د لرې کولو اعلان وکړ.
افغان غږ خبری آژانس په تیره یوه اونۍ کښې د تیر کال د اربعین د زیارت کوونکو د مشکلاتو په باره کښې بیلا بیل رپوټونه خپاره کړل او د دغې ستونزې د هواری غوښتنه یې وکړه او دغه موضوع یې د ایران د بهرنیو چارو د وزارت د سرپرست پام ته واړوله.
د افغان غږ خبری آژانس او تبیان د فرهنګي او ټولنیزو فعالیتونو د مرکز مشر حجت الاسلام سید عیسی حسیني مزاري هم د حسیني اربعین د زیارت کوونکو د ستونزو د هواري په برخه کې جدي و.
avapress.com/vdcfctd0mw6d1ma.,ziw.html
ډیری لیدل شوي
