په کابل کې د څه باندې ۱۴ میلیونه افغانیو په لګښت د څلورو ښوونځیو بیارغونه

افغان غږ خبری آژانس - کابل: د پوهنې وزارت مطبوعاتي دفتر په اکس پاڼه کې لیکلې چې د یوې مرستندویه موسسې په مالي مرسته په کابل کې د څلورو ښوونځیو د بیارغونې چارې د ۱۴ میلیونه او ۵۷۰ زره افغانیو په لګښت پیل شوې دي.

دغه وزارت زیاتوي چې د بیارغونې په دې پروژه کې د احاطې دیوال جوړول، د روغتیا ساتنې اسانتیاوې او د اوبو د سیستم غځول شامل دي.

د يادونې وړ ده، چې د کابل ښار او ولايتونو ډېرى ښوونځي ترميم ته اړتيا لري.